الماتىدا جۇرگىزۋشىسى جوق اۆتوبۋس ءوز بەتىنشە ارتقا قاراي ءجۇرىپ كەتىپ، بىرنەشە كولىكتى سوقتى، سالدارىنان ءبىر ادام زارداپ شەكتى
الماتى قالالىق پوليسيا دەپارتامەنتىنىڭ مالىمەتىنشە، 6 قىركۇيەك كۇنى اباي داڭعىلى مەن ناۋرىزباي باتىر كوشەسىنىڭ قيىلىسىنا جاقىن جەردە № 79-باعىتتاعى قوعامدىق كولىك جول جيەگىندە تۇرىپ، باتىس باعىتقا قاراي قوزعالىپ، ءتورت كولىككە سوعىلعان.
«اپات سالدارىنان «كيا» ماركالى كولىكتىڭ جولاۋشىسى دەنە جاراقاتىن الدى. بۇل كەزدە اۆتوبۋس جۇرگىزۋشى كولىكتىڭ سىرتىندا بولعان. بۇل دەرەكتى بوستاندىق اۋداندىق پوليسيا باسقارماسى وندىرىسكە الدى. وقيعانىڭ ءمان-جايى انىقتالىپ جاتىر»،- دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتىنەن.