جۇڭگو حالىق رەسپۋبليكاسىنا جۇمىس ساپارى اياسىندا الماتى اكىمى ەربولات دوسايەۆ شانحاي مۇگەدەكتەر فەدەراسياسىنىڭ ءتوراعاسى دۋ سۋنسيۋانمەن كەزدەستى، دەپ حابارلايدى aqshamnews.kz.
كەزدەسۋ شانحايداعى Sunshine 201 مۇگەدەكتىگى بار ادامداردى جۇمىسقا ورنالاستىرۋ ورتالىعىندا ءوتتى، ول ەرەكشە قاجەتتىلىكتەرى بار ادامدارعا جۇمىسقا ورنالاستىرۋ، كاسىپتىك وقىتۋ، كەڭەس بەرۋ جانە بيزنەس-ينكۋباسيا باعدارلامالارىنا قاتىسۋ قىزمەتتەرىن ۇسىناتىن كوپفۋنكسيونالدى پلاتفورما بولىپ تابىلادى. سونىمەن قاتار، ورتالىقتا جىل سايىن ەرەكشە قاجەتتىلىكتەرى بار ادامدارعا وڭالتۋ جانە مەديسينالىق كومەك كورسەتىلەدى. سوڭعى جىلدارى ورتالىقتا وڭالتۋ قىزمەتتەرىنىڭ تيىمدىلىگى 90% - دان استامعا جەتتى.
ەربولات دوسايەۆ شانحاي مۇگەدەكتەر فەدەراسياسىنىڭ ەرەكشە قاجەتتىلىكتەرى بار ادامدار ءۇشىن زاڭنامانى جانە ينفراقۇرىلىمدى جەتىلدىرۋ، جۇمىسقا ورنالاسۋ تاسىلدەرى، جۇمىس ورىندارىن كۆوتالاۋ تەتىكتەرى جانە قىزمەتتەردى اۆتوماتتى تۇردە ىرىكتەۋ ءۇشىن جاساندى ينتەللەكتتى پايدالانۋ بولىگىندەگى جۇمىس تاجىريبەسى الماتى ءۇشىن ەرەكشە قىزىعۋشىلىق تۋدىراتىنىن اتاپ ءوتتى.
كەزدەسۋ قورىتىندىسى بويىنشا تاراپتار ەكىجاقتى ىنتىماقتاستىق اياسىندا الماتىدا ينكليۋزيۆتى ورتانى دامىتۋ جونىندەگى بىرلەسكەن جوسپاردى ازىرلەۋ ىقتيمالدىعىن تالقىلادى. بۇل ەرەكشە قاجەتتىلىكتەرى بار ادامداردى الەۋمەتتىك قولداۋ، وڭالتۋ جانە جۇمىسقا ورنالاستىرۋ بويىنشا جاڭا جوبالاردى تابىستى ىسكە اسىرۋعا مۇمكىندىك بەرەدى.
ايتا كەتەرلىگى، الماتى اكىمدىگى جۇمىسىنداعى باسىمدىقتاردىڭ ءبىرى ينكليۋزيۆتى ورتانى قۇرۋ، بارلىق تۇرعىندار ءۇشىن ولاردىڭ فيزيكالىق مۇمكىندىكتەرىنە قاراماستان وقۋدا، جۇمىسقا ورنالاسۋدا جانە الەۋمەتتىك بەيىمدەلۋدە تەڭ مۇمكىندىكتەر بەرۋ بولىپ تابىلادى. قالادا ەرەكشە قاجەتتىلىكتەرى بار 56 مىڭ ادام تىركەلگەن. شانحايدا 2024 جىلى ەرەكشە قاجەتتىلىكتەرى بار 613 100 ادام تىركەلگەن جانە سەرتيفيكاتتالعان.
