Kazakhmys Distribution ساتبايەۆتا "جاۋعان" قارا قارعا بايلانىستى مالىمدەمە جاسادى، دەپ حابارلايدى almaty-akshamy.kz
ءبىرقاتار ب ا ق 2024 جىلعى 31 قاڭتاردا ساتبايەۆ قالاسىندا لاستانعان قار تۇرىندەگى جاۋىن-شاشىن تۇسكەنى تۋرالى اقپارات تاراتىپ جاتىر. بۇل ءىس-شارا جىلۋدى، ەلەكتر ەنەرگياسىن، سۋمەن جابدىقتاۋ جانە كاناليزاسيانى ءوندىرۋ، تاسىمالداۋ، ءبولۋ جانە جابدىقتاۋ سالاسىندا قىزمەت كورسەتەتىن Kazakhmys Distribution ج ش س قىزمەتىمەن بايلانىستى. ايتۋلارىنشا، كاسىپورىن قولدانىپ جۇرگەن تازارتۋ قوندىرعىلارى ەسكىرگەن، دۇرىس جۇمىس ىستەمەيدى. بۇل اقپارات شىندىققا جاناسپايتىنىن جەتكىزەمىز"، - دەلىنگەن حابارلامادى.
كومپانيانىڭ مالىمەتىنشە، ساتبايەۆ قالاسىنىڭ شەتىندە ورنالاسقان №1 جىلۋ ستانسياسى قالانى جانە وعان جاقىن ورنالاسقان وندىرىستىك نىسانداردى جىلۋ ەنەرگياسىمەن جانە ىستىق سۋمەن قامتاماسىز ەتەدى. ونىڭ ءۇش ۇيىمداسقان شىعارىندىلار كوزى بار:
- تازارتۋ كوەففيسيەنتى 98،5-99% كۇل جيناۋ قوندىرعىسى ورناتىلعان پتۆپ-100 ىستىق سۋ قازاندىقتارىنىڭ مۇرجاسى؛
- جيناۋ قوندىرعىلارى 80-92% تازالاۋ كوەففيسيەنتى بار ونىمدىلىگى 26000 م3/ساع جۇمىس ىستەيتىن دكۆر 10/13 بۋ قازاندارىنىڭ مۇرجاسى؛
- جوبالىق شەشىمگە سايكەس جاسالعان اشىق كومىر قويماسى.
سونىمەن بىرگە حابارلامادا 2024 جىلعى 31 قاڭتاردا Kazakhmys Distribution ج ش س اشىق قويماسىندا كومىر تۇسىرىلگەنى ايتىلعان. وڭتۇستىك-باتىستان سوققان ەكپىنى 20-25 م/س بولاتىن كۇشتى جەلدىڭ سالدارىنان كومىر شاڭىنىڭ كوپتەگەن ۇساق بولشەكتەرى ساتبايەۆ قالاسىنىڭ اۋماعىنا قاراي جەلمەن ۇشقان.
"بۇل تابيعي فورس-ماجوردىڭ تازارتۋ قوندىرعىسىنىڭ جۇمىسىنا ەش قاتىسى جوق. كۇل جيناۋ جۇمىستارى قالىپتى رەجيمدە اتقارىلىپ جاتىر. ايتا كەتەرلىگى، جىلىتۋ ماۋسىمىنا دايىندىق كەزەڭىندە جىل سايىن جوندەۋ جۇمىستارى، ونىڭ ىشىندە ىستىق سۋ جانە بۋ قازاندىقتارىنىڭ كۇل جيناۋ جۇيەلەرىن جوندەۋ جۇمىستارى جۇرگىزىلەدى".Kazakhmys Distribution ج ش س