بۇل مەدياورتالىق دوحادا الەم چەمپيوناتى قارساڭىندا اشىلعان بولاتىن.
جاھاندىق دوپ دوداسى كەزىندە قىزمەت اتقاراتىن مەديا ماماندارى ءۇشىن بۇل جەر ەكىنشى ۇيىندەي بولىپ كەتكەن. الەم چەمپيوناتى بارىسىندا مەديا سالاسى ماماندارىنىڭ جۇمىسى قىزا تۇسەدى. كاتاردىڭ ۇلكەن كونگرەسس ورتالىعى 24 ساعات اشىق تۇرادى. بۇل جەردە كۇنى-تۇنى جۇمىس توقتامايدى، دەپ حابارلايدى Almaty-akshamy.kz/
الەم چەمپيوناتى ويىندارى وتەتىن ستاديوندارعا جەتكىزەتىن اۆتوبۋستاردىڭ ايالداماسى دا وسىندا. كەزدەسۋ اياقتالعاننان كەيىن سول اۆتوبۋستار قايتادان وسى ورتالىققا جەتكىزەدى. شەتەلدىك جۋرناليستەردىڭ ايتۋىنشا، بۇل جەر ەمىن-ەركىن جۇمىس ىستەۋگە ىڭعايلى.
«مەدياورتالىق جامان ەمەس. باسقا ورتالىقتارعا ۇقسايدى. ۇلكەن جارىستاردا وسىنداي جۇمىس ورنىننىڭ بولعانى دۇرىس»، - دەيدى كير راندجيچ.
«بۇل جەردە جۇمىس ىستەگەن ماعان ۇنايدى. وتە ىڭعايلى. ءىشى كەڭ. ينتەرنەت جاقسى ساپادا. اۆتوبۋستاردىڭ وسى جەردەن الىپ كەتىپ، الىپ كەلۋى جاقسى ويلاستىرىلعان»، - دەيدى تيمو ۆۋلا.
ۇيىمداستىرۋشىلار ءاربىر ۇساق-تۇيەككە دەيىن ءمان بەرىپ، دۇرىس جوسپارلاعانى كورىنىپ تۇر. ويىن بولاتىن كۇننەن ءبىر كۇن بۇرىن كوماندالاردىڭ باسپا ءسوز ءماسليحاتى دا وسى جەردە وتەدى. 4000 مىڭ ادامعا ارنالعان كونفەرەنس-زالدى فوتوگرافتار، جۋرناليستەر، سايت ماماندارى مەن تەحنيكالىق قىزمەتكەرلەر جۇمىس ىستەيتىن ورىندارعا بولگەن. قىسقاسى ءمۋنديالدىڭ تارتىستى ويىندارى ستاديونداردا وتسە، مەديا سالاسى ماماندارىنىڭ قىزۋ جۇمىسى وسى ورتالىقتا اتقارىلادى.