ون فۋتبولشىنىڭ سەگىزى ءوز ەلدەرىنىڭ قۇراماسى ساپىندا الەم چەمپيوناتىنىڭ جۇلدەسى ءۇشىن تالاسادى
ليونەل مەسسي مەن كيليان مباپپە قاتاردا ءوتىپ جاتقان فۋتبولدان الەم چەمپيوناتىندا ۇزدىك ويىنشىلار تىزىمىندە كوش باستاپ تۇر، دەپ حابارلايدى Almaty-akshamy.kz قازاقپاراتقا سىلتەمە جاساپ.
Goal باسىلىمى جارتىلاي فينالدىق ماچتار وتكەننەن كەيىن ۇزدىك ون ويىنشىنىڭ ءتىزىمىن جاڭارتتى.
بۇدان بۇرىنعى تىزىممەن سالىستىرعاندا، ۇزدىك ۇشتىك وزگەرىسسىز قالدى. ارگەنتينا قۇراماسىنىڭ كاپيتانى ليونەل مەسسي كوش باسىندا بولسا، فرانسيا شابۋىلشىلارى كيليان مباپپە مەن انتۋان گريزمانن ەكىنشى، ءۇشىنشى ورىندا.
ۇزدىك وندىق:
ليونەل مەسسي (ارگەنتينا)؛
كيليان مباپپە (فرانسيا)؛
انتۋان گريزمانن (فرانسيا)؛
سوفيان امرابات (ماروككو)؛
اشراف حاكيمي (ماروككو)؛
نيكولاس وتامەندي (ارگەنتينا)؛
حۋليان الۆارەس (ارگەنتينا)؛
وليۆە جيرۋ (فرانسيا)؛
برۋنۋ فەرناندەش (پورتۋگاليا)؛
ريشارليسون (برازيليا).
ۇزدىك وندىقتاعى وزگەرىس - وعان ارگەنتينا قورعاۋشىسى نيكولاس وتامەندي، شابۋىلشىسى مەسسي حۋليان الۆارەس جانە فرانسيا سۇرمەرگەندەرىنىڭ ءبىرى وليۆە جيرۋ كىردى.
ون فۋتبولشىنىڭ سەگىزى ءوز ەلدەرىنىڭ قۇراماسى ساپىندا الەم چەمپيوناتىنىڭ جۇلدەسى ءۇشىن تالاسادى.
17 جەلتوقساندا قولا جۇلدە ءۇشىن حورۆاتيا مەن ماروككو جاسىل الاڭعا شىعادى. 18-ىندە فينالدا ارگەنتينا مەن فرانسيا وينايدى.
فۋتبول جانكۇيەرلەرى ارگەنتينا مەن فرانسيا ماچىندا الدىمەن ل.مەسسي مەن ك.مباپپە باسەكەسىنە كوز تىگەرى انىق. ءقازىر ەكەۋىنىڭ دە ەنشىسىندە 5 گولدان بار. فينالدا قايسىسى گول سوعىپ، كومانداسىنا جەڭىس اپەرەدى، سول العا شىعىپ، چەمپيوناتتىڭ ۇزدىك ويىنشىسى اتانۋى ابدەن مۇمكىن.
ەسكە سالا كەتەيىك، بۇدان بۇرىن فرانسيا قۇراماسىنىڭ قاقپاشىسى ۋگو ءلوريستىڭ مانۋەل نويەردىڭ جەتىستىگىن قايتالاعانىن جازعان بولاتىنبىز.
سونداي-اق فۋتبولدان الەم چەمپيوناتىندا فرانسيا فينالعا شىقتى.
فرانسيا – ماروككو ماچىندا ۇزدىك ويىنشى اتانعان انتۋان گريزمانن رەكورد جاڭارتتى.
فرانسيا – ماروككو ماچىنان كەيىن جانكۇيەرلەر قاقتىعىسىندا 14 جاسار ءجاسوسپىرىم كوز جۇمدى.