ءموبيلدى قوسىمشا ارقىلى ءوتىنىم بەرە الاسىز.
Kaspi.kz-تە كوپبالالى وتباسىلار جاردەماقى مەن جۇمىسسىزدىق بويىنشا تولەمدەرگە ءوتىنىش بەرە الادى، دەپ حابارلايدى Almaty-akshamy.kz
Kaspi.kz مەملەكەتتىك ورگاندارمەن بىرلەسىپ قازاقستاندىقتار ءۇشىن مەملەكەتتىك قىزمەتتەردى بارىنشا قولجەتىمدى ەتۋ جۇمىستارىن جالعاستىرىپ جاتىر.
«مەملەكەتتىك ورگاندارعا قازاقستاندىقتاردىڭ ءومىرىن جاقسارتاتىن يننوۆاسيالىق سەرۆيستەردى قۇرۋعا كومەكتەسىپ جاتقانىمىزدى ماقتان تۇتامىز. جاڭا سەرۆيستى ىسكە قوسۋ ءۇشىن ەڭبەك مينيسترلىگىمەن، ەڭبەك رەسۋرستارىن دامىتۋ ورتالىعىمەن، سيفرلاندىرۋ مينيسترلىگىمەن جانە ۇات اق-مەن بىرلەسىپ جۇمىس ىستەدىك. ەندى كوپبالالى اتا-انالار، سونداي-اق جۇمىس ىزدەپ جۇرگەن ادامدار ءوز سمارتفونىنىڭ ەكرانىندا مەملەكەتتىك جاردەماقىعا ءوتىنىمدى رەسىمدەي الادى. وسى ىڭعايلى سەرۆيستى قۇرۋعا قاتىسقان ءار ادامعا مىڭ العىس»، دەدى Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە.
«مەملەكەتتىك قىزمەتتەردى الۋ ءۇشىن ءارتۇرلى پلاتفورمالاردى تاڭداۋ مۇمكىندىگىمەن ازاماتتار ءۇشىن قولايلىلىقتى ارتتىرۋ، قىزمەت كورسەتۋدىڭ ءبىرىڭعاي نۇكتەسىنە تاۋەلدىلىكتى جويۋ، سونداي-اق حالىقتىڭ اراسىندا مەملەكەتتىك قىزمەتتەردى الۋ دەڭگەيىن ارتتىرۋ ءۇشىن مينيسترلىك مۇددەلى مەملەكەتتىك ورگاندارمەن بىرلەسىپ، تانىمال مەملەكەتتىك قىزمەتتەردى سىرتقى پلاتفورمالارعا، ەكىنشى دەڭگەيدەگى بانكتەردىڭ ءموبيلدى قوسىمشالارىنا شىعارۋ جۇمىستارىن جۇرگىزىپ جاتىر. الەۋمەتتىك ماڭىزدى قىزمەتتەرگە باستى نازار اۋدارىلادى، بۇگىنگى تاڭدا بۇل كوپبالالى وتباسىلارعا بەرىلەتىن مەملەكەتتىك جاردەماقى مەن جۇمىسىنان ايىرىلعان كەزدە تولەنەتىن تولەمدەر. باسقا قىزمەتتەر دە جوسپارلانعان. اتالعان شارالار مەملەكەتتىك قىزمەتتەردىڭ قولجەتىمدىلىگىن ارتتىرادى جانە ازاماتتارعا ۇيدەن شىقپاي-اق مەملەكەتتىك قىزمەتتەردى الۋعا مۇمكىندىك بەرەدى»، دەدى سيفرلىق دامۋ مينيسترلىگىنىڭ مەملەكەتتىك قىزمەتتەر كوميتەتى ءتوراعاسىنىڭ ورىنباسارى اينۇر يۋسۋپوۆا.
كوپبالالى وتباسىلارعا تولەنەتىن جاردەماقىلارعا جانە جۇمىسسىزدىق بويىنشا جاردەماقىعا قالاي ءوتىنىش بەرۋ كەرەك ەكەنى تۋرالى تولىعىراق Kaspi گيد بولىمىنەن وقىڭىز.