«تازا كاسپيي» اكسياسى ءوتتى
«تازا كاسپيي» اكسياسى اياسىندا سۋ «اڭشىلارى» تەڭىز استىنان 300 كەلىدەن استام قوقىس شىعاردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بۇل شارا بيىل ءۇشىنشى رەت ۇيىمداستىرىلدى. العاشقى جىلى اڭشىلار تەڭىز استىنان 3 توننادان ارتىق قوقىس شىعارعان ەدى.
«كاسپيي - ءبىزدىڭ باستى بايلىعىمىز. ءبىراق نەمقۇرايلى قارايتىندار كوپ. دەمالعان سوڭ ادامدار قوقىستى وزدەرىمەن بىرگە الىپ كەتۋلەرى كەرەك. ءبىز تۇتىنعاننان كەيىن قالاتىن قالدىقتىڭ 80 پايىزىن قايتا وڭدەۋگە بولادى. ول ءۇشىن قالانىڭ بىرنەشە جەرىندە قابىلداۋ پۋنكتتەرى بار. ءتىپتى سول ءۇشىن اقى دا بەرەدى. سوندىقتان كارتون قاعازدار، پلاستيكتەردى پۋنكتتەرگە تاپسىرۋ كەرەك»، - دەدى ەكو-بەلسەندى گۇلايىم قيباسوۆا.
سۋ «اڭشىلارى» قالا ماڭىنداعى جاعالاۋلار تازا ەكەنىن ايتادى. ال، قالا سىرتىنداعى تەڭىز جاعالاۋلارى تازالىقتى قاجەت ەتەدى. كاسپيي ءتۇبىن تازالاۋ جۇمىستارى جەرگىلىكتى ەرىكتىلەر تاراپىنان دا ءجيى ۇيىمداستىرىلىپ تۇرادى.