ءتىلسىز جاۋ 100 گەكتارعا تارادى.
ق ر توتەنشە جاعدايلار مينيسترلىگىنىڭ مالىمەتىنشە، بۇگىن تۇندە اتىراۋ وبلىسىندا كاسپيي تەڭىزىنىڭ جاعالاۋىندا قامىس ورتەنە باستاعان، ، دەپ حابارلايدى Almaty-akshamy.kz
رەسمي مالىمەتكە سايكەس، بۇل جەر قۇرمانعازى ورمانشىلىعىنىڭ اۋماعىنا كىرەدى. ال 40 شاقىرىم شالعايدا قۇرمانعازى اۋىلى بار.
ەكى ساعاتتان كەيىن وقيعا ورنىنا ءورت ءسوندىرۋ ءبولىمىنىڭ، ورمان شارۋاشىلىعى مەن جەرگىلىكتى اتقارۋشى ورگاننان 36 ادام باردى. قازىرگى كەزدە 6 موتوپومپا، بىرنەشە تەحنيكا مەن موتوقايىق ءورتتى ءسوندىرىپ جاتىر.
"باتپاقتى جەر مەن قامىستىڭ تىعىز قالىڭ ءوسۋى ءورتتى سوندىرۋگە قيىندىق تۋعىزۋدا، تەحنيكانىڭ بارۋىنا كەدەرگى كەلتىرۋدە"، - دەيدى قۇتقارۋشىلار.
ەلدى مەكەندەرگە ءقاۋىپ ءتونىپ تۇرعان جوق. ءورتتى ءسوندىرۋ جۇمىستارى جالعاسىپ جاتىر.