شاعىن جانە ورتا بيزنەستى نەسيەلەۋ تەتىكتەرىن ىسكە اسىرۋ ءۇشىن ءىرى قارجىلىق ۇيىمداردى جۇمىلدىرۋ قاجەت.
ويتكەنى كاسىپكەرلەر مەن بانكتەر ءوزارا كەلىسىمگە كەلۋى قيىن. ەكونوميكا سالاسىنىڭ ساراپشىسى ۆياچەسلاۆ دودونوۆ وسىنداي پىكىردە. مەملەكەت باسشىسى جولداۋىندا وسى تۇيتكىلگە باسا ءمان بەردى. اتاپ ايتساق، ەلىمىزدە شاعىن جانە ورتا كاسىپتى دامىتۋدا 42 ميلليارد دوللار قارجى جەتىسپەيدى. بانكتەردە قارجى بار، الايدا ولار نەسيە بەرمەۋ ارقىلى ەل ەكونوميكاسىنا سەرپىن بەرمەي وتىر. بۇل رەتتە، قاسىم-جومارت توقايەۆ ۇلتتىق بانككە ءبىرقاتار تاپسىرما بەردى. شەتەل تاجىريبەسىن ەسكەرۋدى ايتتى.
«ەڭ الدىمەن، كاسىپكەرلەر بيزنەس جوسپاردى ساۋاتتى جاساپ ۇيرەنۋى كەرەك. ولار اقشا الۋعا ءوتىنىش بەرۋدىڭ جولدارىن بىلمەي جاتادى. بۇل رەتتە، ءىرى قارجىلىق ۇيىمداردىڭ كونسۋلتاسيالىق، ياعني، دانەكەرلىك قولداۋى قاجەت. بۇل - تىكەلەي ۇلتتىق بانكتىڭ جۇمىسى»، - دەيدى ەكونوميست ۆياچەسلاۆ دودونوۆ.