194،7 مىڭ ادامنىڭ 73،5 مىڭى تۇراقتى جۇمىسقا ورنالاسقان.
بيىلعى 1 مامىرداعى جاعداي بويىنشا 2021 – 2025 جىلدارعا ارنالعان كاسىپكەرلىكتى دامىتۋ جونىندەگى ۇلتتىق جوباعا 286،2 مىڭ ادام قاتىستى. بۇل تۋرالى اlmaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى تاراتقان مالىمەتتەرگە سىلتەمە جاساپ حابارلايدى.
باسپا ءسوز قىزمەتىنىڭ مالىمەتتەرىنە قاراعاندا، 194،7 مىڭ ادام جۇمىسقا ورنالاستى، ونىڭ 73،5 مىڭى تۇراقتى جۇمىسقا ورنالاستى.
سۋبسيديالاناتىن جۇمىس ورىندارىنا 121،2 مىڭ ادام ورنالاستىرىلدى. ونىڭ ىشىندە الەۋمەتتىك جۇمىس ورىندارىمەن 13،5 مىڭ ادام، جاستار پراكتيكاسىمەن 7،4 مىڭ ادام، قوعامدىق جۇمىستارمەن 87،5 مىڭ ادام قامتىلدى.
سونداي-اق «العاشقى جۇمىس ورنى» جوباسى اياسىندا 3،1 مىڭ ادام، «ۇرپاقتار كەلىسىمشارتى» جوباسى اياسىندا 92 ادام، «كۇمىس جاس» جوباسى اياسىندا 9،6 مىڭ ادام جۇمىسقا ورنالاسقان.