قازاقستانعا اقش-تان پوشتا ارقىلى ەسىرتكى جەتكىزبەك بولعانداردىڭ ءىسى اشكەرەلەندى.
جىل باسىنان بەرى ەلوردا اۋماعىندا 362 ەسىرتكى قىلمىسى تىركەلدى. بۇل تۋرالى استانا قالالىق پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى رۋستام عازيزوۆ ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«جىل باسىنان بەرى 362 ەسىرتكى قۇقىق بۇزۋشىلىعى تىركەلدى. ونىڭ ىشىندە 68ء-ى اۋىر جانە اسا اۋىر قىلمىستار ساناتىنا جاتادى. تەرگەۋ جۇمىستارى اياقتالىپ، سوتقا 49 قىلمىستىق ءىس جولداندى. ونىڭ ىشىندە اسا اۋىر – 21، اۋىر ساناتتاعى 28 ءىس بار. جىل باسىنان بەرى استانا قالاسىنىڭ اۋماعىنان شامامەن 14 كەلى سينتەتيكالىق ەسىرتكى تاركىلەندى. 2022 جىلى 4 ەسىرتكى زەرتحاناسى انىقتالدى»، - دەپ توقتالدى رۋستام عازيزوۆ.
قوسا كەتسەك، قازاقستانعا اقش-تان پوشتا ارقىلى ەسىرتكى جەتكىزبەك بولعانداردىڭ ءىسى اشكەرەلەندى. ق ر قارجىلىق مونيتورينگ اگەنتتىگىنىڭ دەرەگىنشە، ەسىرتكى زاتتارى باسقا زات تۇرىندە شتاتتاردان الماتى قالاسىنا جىبەرىلىپ، ودان ارى استاناعا جونەلتىلگەن.