ءبىرىنشى قاڭتاردان باستاپ، كاسىپكەرلىك سيپاتتاعى ارەكەتتەردى انىقتاۋ ماقساتىندا كىرىس كوميتەتى بانكتەردەن مالىمەت الاتىنى بەلگىلى بولعاننان كەيىن كاسىپكەرلىكپەن اينالىساتىندار جاڭا ءبىر جول تاپتى. سونداعى تاپقان قۇيتىرقى ارەكەتتەرى قانداي؟
كەيبىر دۇكەن يەلەرى تۇتىنۋشىلارعا اقشانى تەلەفون بالانىسىنا جىبەرۋدى سۇراپ جاتقانعا ۇقسايدى، دەپ حابارلايدى اlmaty-akshamy.kz.
وسىعان وراي قارجى ۆيسە-مينيسترى ەرجان ءبىرجانوۆ ءوز ويىن بىلاي جەتكىزدى: «بۇل جاڭا سحەمانىڭ ءبىرى، ءبىراق مەنىڭشە، ونىڭ ءوزى ۋاقىتشا ارەكەت. ويتكەنى، ساتىپ الۋشىلارعا ىڭعايسىز. سوندىقتان بۇل جاعداي وزىنەن ءوزى جويىلادى، ال قاجەت بولعان جاعدايدا ۇيالى وپەراتورلار ارقىلى باقىلاۋ جۇرگىزەمىز»، – دەدى.