بۇل بيزنەسكە زاڭسىز ارالاسۋ فاكتىلەرى ورىن العان جاعدايدا اسا ماڭىزدى
الماتى قالاسى پروكۋراتۋراسى مەن وڭىرلىك كاسىپكەرلەر پالاتاسىنىڭ بيزنەستى قورعاۋ ماسەلەلەرى جونىندەگى جۇمىس كەزدەسۋىندە "كاسىپكەرلەردىڭ قۇقىعىن قورعاۋ جونىندەگى ءموبيلدى توپ" جوباسى تانىستىرىلدى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
وسى جوبانىڭ كومەگىمەن كاسىپكەردىڭ قۇقىعى بۇزىلعان جاعدايدا، ونىڭ ىشىندە كاسىپكەرلىك قىزمەتكە زاڭسىز ارالاسۋ فاكتىلەرى ورىن السا، كاسىپكەر QR-كودتى قولدانۋ ارقىلى الماتى پروكۋراتۋراسىنىڭ بيزنەستىڭ قۇقىعىن قورعاۋ جونىندەگى ءموبيلدى توپقا جۇگىنە الادى.
جوبانى مەدەۋ اۋدانى پروكۋرورىنىڭ ورىنباسارى باۋىرجان تولەندينوۆ تانىستىردى.
ماسەلەن، پروكۋراتۋرا كاسىپكەرلىك سۋبەكتىلەرىنىڭ بارلىق وبەكتىنە، مىسالى، دۇكەندەر، بازارلار، ءدارىحانالار، سۇلۋلىق سالوندارى، فيتنەس ورتالىقتارى، كەڭسەلەر جانە كاسىپكەرلەردىڭ كەز كەلگەن نىسانىنا، ارنايى QR-كودتى بەرەدى.
"جوبانىڭ جۇمىسى بىلاي، بيزنەس يەسى كاسىپكەرلىك قىزمەتكە زاڭسىز ارالاسۋ تۋرالى حابارلاۋ ءۇشىن QR-كودتى سكانەرلەيدى، بۇدان ءارى زاڭسىز ارالاسۋ فاكتىلەرى تۋرالى قىسقاشا اقپاراتتى باياندايدى. ەگەر بار بولسا، فوتوسۋرەتتەر مەن بەينەماتەريالداردى قوسا جىبەرەدى. ءارى قاراي پروكۋراتۋرا اقپاراتتى سيگنال بويىنشا 30 مينۋت ىشىندە باعالايدى جانە قاجەت بولعان جاعدايدا سيگنال تۇسكەن وبەكتىگە بارىپ جەدەل ارەكەت ەتەدى"، – دەدى پروكۋراتۋرا وكىلى.
كاسىپكەرلەردەن تۇسكەن بارلىق حابارلاما قالا پروكۋراتۋراسىنىڭ دەرەكقورىنا تۇسەدى جانە اۋداندار بويىنشا توپتاستىرىلادى. كەيىننەن بۇل اقپارات پروكۋراتۋرا مەن كاسىپكەرلەر پالاتاسىنا سيگنالداردى تالداۋعا جانە قالانىڭ جۇيەلىك پروبلەمالارىنىڭ ءتىزىلىمىن قالىپتاستىرۋعا كومەكتەسەدى.
كەزدەسۋ بارىسىندا ءىس-شاراعا قاتىسۋشىلار "كاسىپكەرلەردىڭ قۇقىقتارىن قورعاۋ جونىندەگى ءموبيلدى توپ" جوباسىنىڭ جۇمىسىنا قاتىستى سۇراقتار قويدى.
الماتى قالاسى كاسىپكەرلەر پالاتاسىنىڭ ءتوراعاسى اۋەز تايىمبەتوۆ اتالعان جوباداعى پالاتا مەن پروكۋراتۋرانىڭ بىرلەسكەن جۇمىسى تۋرالى حابارلادى. سونداي-اق مەملەكەت باسشىسى شاعىن بيزنەستى تەكسەرۋ جونىندەگى ءموراتورييدى 2024 جىلعا دەيىن ۇزارتۋ تۋرالى جارلىققا قول قويعانىنا قاراماستان، مەملەكەتتىك ورگاندار تاراپىنان زاڭسىز تەكسەرۋ جۇرگىزۋ فاكتىلەرى بويىنشا كاسىپكەرلەردەن وتىنىشتەر ءالى دە كەلىپ تۇسەتىنىن ەسكە سالدى.
جيىننىڭ ەكىنشى ءبولىمى بيزنەس قوعامداستىقتىڭ ناقتى ماسەلەلەرىن جانە ولاردى شەشۋ جولدارىن تالقىلاۋ، قالا پروكۋراتۋراسىنىڭ ارالاسۋىن تالاپ ەتەتىن تۇيتكىلدى ماسەلەلەردى انىقتاۋعا باعىتتالعان.
پروكۋراتۋرا مەن كاسىپكەرلەر پالاتاسىنىڭ وسى باعىتتاعى بىرلەسكەن جۇمىسى تۋرالى الماتى قالاسى پروكۋراتۋراسىنىڭ قوعامدىق مۇددەلەردى قورعاۋ باسقارماسىنىڭ باستىعى دانيار ىسقاقوۆ پەن الماتى قالاسى كاسىپكەرلەر پالاتاسىنىڭ بيزنەستى قورعاۋ جونىندەگى ساراپشىسى تيمۋر زەينەشيەۆ قىسقاشا بايانداما جاسادى.
"بيزنەستى قورعاۋ جەلىسى بويىنشا 2022 جىلى پالاتاعا كاسىپكەرلەر تاراپىنان 462 ءوتىنىش ءتۇستى. وتىنىشتەردىڭ قۇرىلىمىن تالداۋ 2022 جىلى بيزنەستە سۇراقتار تۋىنداعان نەگىزگى ماسەلەلەردى انىقتايدى. اتاپ ايتقاندا، سالىقتىق جانە كەدەندىك اكىمشىلەندىرۋ – 11،9%، جەر ماسەلەلەرى – 24 5،2% جانە مەملەكەتتىك ورگانداردىڭ ارەكەتتەرىنە شاعىمدار – 36 (7،8%). 2022 جىلى وتىنىشتەردىڭ كوپ سانى توتەنشە جاعداي رەجيمىن ەنگىزۋمەن بايلانىستى، شامامەن 12،7%. وتكەن جىلى قالا پروكۋراتۋراسىمەن بىرلەسىپ، كاسىپكەرلىك سۋبەكتىلەرىن قىلمىستىق قۋدالاۋعا نەگىزسىز تارتۋ انىقتاۋ بويىنشا ۇلكەن جۇمىس اتقارىلدى. وسىلايشا، قۇقىق قورعاۋ ورگاندارىنىڭ قىزمەتىندە قىلمىستىق قۋدالاۋ جەلىسى بويىنشا كاسىپكەرلەردىڭ قىزمەتىنە زاڭسىز ارالاسۋ بولىگىندە تەكسەرۋلەر جۇرگىزىلدى. ناتيجەسىندە، 2022 جىلى قالا پروكۋراتۋراسى 21 قىلمىستىق ءىستى ءوز بەتىنشە توقتاتتى، 51 ءىستى تەرگەۋ ورگانىنىڭ ءوزى توقتاتتى. بۇل قىلمىستىق ىستەر زاڭسىز تەرگەلدى، كاسىپكەرلەردىڭ قۇقىعى ورەسكەل بۇزىلدى. بۇل جۇمىس تۇراقتى نەگىزدە جۇرگىزىلەدى"، – دەدى تيمۋر زەينەشيەۆ.