الماتىدا جەر سىلكىنىسى كەزىندەگى ەۆاكۋاسيا ماسەلەسى قارالدى

ماماندار توتەنشە جاعدايلارعا بايلانىستى كوپتەگەن سۇراقتارعا جاۋاپ بەردى

بۇگىن ۇلتتىق كىتاپحانا ۇجىمىنا «تابيعي جانە تەحنوگەندىك سيپاتتاعى توتەنشە جاعداي ءقاۋپى مەن تۋىنداۋ كەزىندەگى حالىقتىڭ ىس-ارەكەتى تاقىرىبىندا» جيىن ءوتتى، دەپ حابارلايدى Almaty-akshamy.kz.
⠀
شاراعا الماتى قالاسى، بوستاندىق اۋدانىنىڭ تجب باس مامانى ايتقوجايەۆا ن.ا جانە تجب باس مامانى، ازاماتتىق قورعاۋ پولكوۆنيگى حۋدايبەردييەۆ س.ب.  ارنايى قاتىستى.
⠀
ءىس-شارا بارىسىندا «جەر سىلكىنىسى كەزىندەگى ەۆاكۋاسيا»، «توتەنشە جاعداي كەزىندە حالىقتى جيناقتاۋ پۋنكتى»، «دابىل چەمودانى» اتتى تاقىرىپتاردا ارنايى ماماندار تۇسىندىرمە جۇمىستارىن جۇرگىزىپ، بەينەروليكتەر كورسەتىلدى.
⠀
ماماندار توتەنشە جاعدايلارعا بايلانىستى كوپتەگەن سۇراقتارعا جاۋاپ بەردى. اپاتتى جاعدايلاردا مەكەمەلەردە قاۋىپسىزدىك شارالارىن قاتاڭ ساقتاي وتىرىپ، قاۋىپسىزدىك ەرەجەلەرىنە باعىنۋ، جەر سىلكىنىسى كەزىندە مەكەمەنىڭ ءقاۋىپسىز ورىندارىندا قورعانۋ ماسەلەلەرىنە توقتالىپ، توتەنشە جاعدايداعى ىس-ارەكەتتەر تۋرالى اقپاراتتارمەن ءبولىستى.
⠀
سونىمەن قاتار، ەلىمىزدە توتەنشە جاعدايلارعا توتەپ بەرۋ ءۇشىن الەمنىڭ الدىڭعى قاتارلى وزىق تەحنولوگيالارى قولدانىسقا ەنگىزىلىپ جاتقاندىعىنا توقتالىپ، سۋ تاسقىندارى نەمەسە ءورت، جەر سىلكىنۋ اپاتتارى كەزىندە حالىقتى سابىرلىقپەن شەشىم قابىلداۋعا شاقىردى.