«اكۆاوسىرۋ تۋرالى» زاڭ اياسىندا كولدە نەمەسە تور قورشامادا ءوسىرۋ قىزمەتىن جۇزەگە اسىرۋعا ارنالعان شارتتاردى مەرزىمىنەن بۇرىن بۇزۋ نەگىزدەرى قاراستىرىلعان.
دەپۋتاتتار ەنگىزگەن تۇزەتۋلەر اياسىندا اكۆاشارۋاشىلىق سالاسىنداعى ادال ەمەس سۋبەكتىلەردىڭ ءتىزىلىمى جاسالادى، دەپ حابارلايدى aqshamnews.kz ماجىلىسكە سىلتەمە جاساپ.
وسى تىزىلىمگە ەنگىزىلگەن، شارتتىق مىندەتتەمەلەرىن ورىنداماعان اكۆاشارۋاشىلىق سۋبەكتىلەرىنە بالىق شارۋاشىلىعى سۋ ايدىندارى مەن ۋچاسكەلەرىن بەكىتۋگە 5 جىل بويى ءوتىنىم بەرۋگە تىيىم سالىنادى.
حالىقارالىق جانە رەسپۋبليكالىق ماڭىزى بار سۋ ايدىندارىنداعى شارۋاشىلىقتار ءۇشىن مىنا مىندەتتەمەلەر بەلگىلەندى:
• بالىق ءوسىرۋ كولەمىن دامۋ جوسپارىنا سايكەس جۇرگىزۋ؛
• بيزنەس-جوسپار مەن جوبانىڭ جۇمىس باعدارلاماسىن ورىنداۋ؛
• جاڭا وندىرىستىك نىسانداردى سالۋ، سونىڭ ىشىندە قايتا وڭدەۋ قۋاتتارىن ەنگىزۋ نەمەسە قولدانىستاعى وندىرىستەردى كەڭەيتۋ، رەكونسترۋكسيالاۋ جانە جاڭعىرتۋ؛
• قازاقستان رەسپۋبليكاسىنىڭ سالىق زاڭناماسىنا سايكەس تور قورشاۋداعى شارۋاشىلىق قىزمەتىن جۇزەگە اسىرۋ ءۇشىن تولەم ەنگىزۋ.
سونداي-اق اكۆاشارۋاشىلىقتى دامىتۋعا باعىتتالعان سۋبەكتىلەرگە سۋبسيديالاردى ۇتىمدى پايدالانۋ جانە ءبولۋ ءۇشىن اكۆاشارۋاشىلىق سۋبەكتىلەرىنە جانە ونى دامىتۋعا جاۋاپتى سۋبەكتىلەرگە سۋبسيديا بەرۋدەن باس تارتۋ نەگىزدەرى، اكۆاشارۋاشىلىقتى سۋبسيديالاۋ اياسىندا الىنعان قاراجاتتى قايتارۋ تالاپتارى مەن مەرزىمدەرىنە قاتىستى شارالار قاراستىرىلعان.