كاسىبي مەيرامدار مەرەكەلىك كۇندەر تىزىمىنەن شىعارىلۋى مۇمكىن.
بۇل تۋرالى «اشىق» نقا پورتالىندا جاريالانعان ۇكىمەت قاۋلىسىنىڭ جوباسىندا جازىلعان، دەپ حابارلايدى Almaty-akshamy.kz.
«كاسىبي مەرەكەلەر تۋرالى» زاڭعا ەنگىزىلگەن تۇزەتۋلەرگە سايكەس، ەندى كاسىبي مەرەكەلەردى قوسپاعاندا، مەيرام كۇندەرىنىڭ تىزبەسىن ۇكىمەت بەلگىلەيدى. ال، كاسىبي مەرەكەلەردىڭ تىزبەسىن ەڭبەك جونىندەگى ۋاكىلەتتى مەملەكەتتىك ورگان، ياعني ەڭبەك جانە الەۋمەتتىك قورعاۋ مينيسترلىگى بەكىتەدى.
اتاپ ايتقاندا، ۆەدومستۆو ءوزىنىڭ نورماتيۆتىك-قۇقىقتىق قۇجاتتارىمەن كەلەسى كاسىبي مەرەكەلەردى بەكىتەدى:
- مەديسينا كۇنى
- مۇعالىمدەر كۇنى
- مادەنيەت جانە ونەر قىزمەتكەرلەرى كۇنى
- پوليسيا كۇنى
- شاحتەر كۇنى
- عىلىم قىزمەتكەرلەرى كۇنى
- بۇقارالىق اقپارات قۇرالدارى قىزمەتكەرلەرىنىڭ كۇنى
- مەملەكەتتىك قىزمەتشىلەر كۇنى
- مەتاللۋرگتەر كۇنى
- قۇرىلىسشىلار كۇنى
- شەكاراشىلار كۇنى
- ۇلتتىق ۆاليۋتا كۇنى جانە باسقالارى.
وسىلايشا، ۇكىمەت قاۋلىسىمەن بەكىتىلگەن مەرەكەلەر قاتارىندا مىنا اتاۋلى داتالار قالادى:
- اۋعانستان دەموكراتيالىق رەسپۋبليكاسىنان كەڭەس اسكەرلەرىنىڭ شەكتەۋلى كونتينگەنتىنىڭ شىعارىلعان كۇنى – 15 اقپان
- العىس ايتۋ كۇنى – 1 ناۋرىز
- ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنى – 31 مامىر
- ق ر مەملەكەتتىك رامىزدەرى كۇنى – 4 ماۋسىم
- ۇلتتىق دومبىرا كۇنى – شىلدەنىڭ ءبىرىنشى جەكسەنبىسى
- اباي كۇنى – 10 تامىز
- سپورت كۇنى – تامىزدىڭ ءۇشىنشى جەكسەنبىسى
- سەمەي يادرولىق سىناق پوليگونىنىڭ جابىلعان كۇنى– 29 تامىز
- ءبىلىم كۇنى – 1 قىركۇيەك
- وتباسى كۇنى – قىركۇيەكتىڭ ەكىنشى جەكسەنبىسى
- قازاقستان حالقى تىلدەرى كۇنى – 5 قىركۇيەك
- ەڭبەك كۇنى – قىركۇيەكتىڭ سوڭعى جەكسەنبىسى
- قارتتار كۇنى – 1 قازان
- نان كۇنى – 16 قازان
- ەنەرگيا ۇنەمدەۋ كۇنى – 11 قاراشا
- ق ر تۇڭعىش پرەزيدەنتى كۇنى – 1 جەلتوقسان.
«جوبانىڭ ماقساتى – قوعامدىق-ساياسي ماڭىزى بار، سونداي-اق ءداستۇرلى تۇردە قازاقستاندىقتار اتاپ وتەتىن وقيعالارعا ارنالعان مەرەكەلەردى مەرەكەلەۋ. مەرەكەلەردى تويلاۋ رەسمي ءىس-شارالاردى وتكىزۋمەن قاتار جۇرەدى»، - دەلىنگەن قۇجاتقا قوسىمشا بەرىلگەن تۇسىندىرمەدە.
قۇجات 19 مامىرعا دەيىن كوپشىلىك تالقىلاۋدا بولادى.