الماتىدا قوعامدىق كولىك جولاۋشىسىنىڭ تەلەفونىن قولدى ەتكەن كۇدىكتى قولعا ءتۇستى.
ۇرلىق دەرەگى بەينەباقىلاۋ كامەرالارىنا جازىلىپ قالعان.
«ا. ەسىمدى ازاماتشا قوعامدىق كولىككە جولاۋشى رەتىندە وتىردى. كورشى جولاۋشى ۇيىقتاپ قالعاندا، ول بىلدىرمەي ونىڭ قالتاسىنان IPhone تەلەفونىن سۋىرىپ الدى. جابىرلەنۋشى شىعىندى 50 مىڭ تەڭگەگە باعالاعان. مەدەۋ اۋداندىق پب-نىڭ قىزمەتكەرلەرىمەن بىرلەسە وتىرىپ جۇرگىزگەن جەدەل-ىزدەستىرۋ ءىس-شارالارى بارىسىندا كۇدىكتى ۇستالدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلىپ جاتىر. ءموبيلدى قۇرىلعى تاركىلەنىپ، ايعاق رەتىندە قىلمىستىق ءىس ماتەريالدارىنا تىركەلدى. كۇدىكتى 31 جاستا. ءقازىر تاراز قالاسىنان كەلگەن ازاماتشانىڭ وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.