الماتىدا تانىمال ساۋدا قوسىمشالارىنىڭ بىرىندە كارتوپ باعاسى كەلىسى 10 تەڭگەدەن ساتىلىپ جاتقانى جايلى اقپارات تارادى. جەڭىلدىك قاشانعا دەيىن جالعاسادى؟ تاراعان اقپارات راس پا؟ اqshamnews.kz ءتىلشىسى انىقتاپ كوردى.
ساۋدا قوسىمشاسىندا كارتوپ باعاسى 10 تگ-دەن كورسەتىلگەن. الايدا ءبىر تۇتىنۋشى 3 كەلىدەن ارتىق تاپسىرىس بەرە المايدى.
Magnum دۇكەنىنىڭ تۇتىنۋشىلارعا قىزمەت كورسەتۋ جەلىسى جاعدايعا تۇسىنىكتەمە بەردى.
"اتالمىش جەڭىلدىك تەك ونلاين تاپسىرىس بەرۋ جۇيەسىندە عانا قولجەتىمدى. دۇكەندەردە مۇنداي جەڭىلدىك قاراستىرىلماعان. تاپسىرىس تۋرالى تولىعىراق تاپسىرىس بەرۋ قوسىمشاسىنا حابارلاسۋ ارقىلى بىلە الاسىز" دەپ جاۋاپ بەردى وپەراتور.
كەرى بايلانىس قالدىرۋشىلار جەڭىلدىكتىڭ راسىمەن ءجۇرىپ جاتقانىن، تاپسىرىستارىن العاندارىن جازىپ جاتىر.
ەسكە سالايىق، بۇعان دەيىن كوپشىلىك ءتىل ماسەلەسىنە بايلانىستى جۇمىستان قۋىلعان Magnum قىزمەتكەرىنىڭ وقيعاسىنا قاتىستى دۇكەندەر جەلىسىنە بويكوت جاريالاعان بولاتىن.