سامات ەرعالييەۆ - ەركىن كۇرەستەن سپورت شەبەرى.
Qazaq kuresi قاۋىمداستىعىنىڭ پرەزيدەنتى بولعان كارىم ءماسىموۆتىڭ وكىلەتتىگى توقتاتىلدى، ونىڭ ورنىنا سامات ەرعالييەۆ كەلدى، دەپ حابارلايدى Almaty-akshamy.kz Turkystan.kz سىلتەمە جاساپ.
قاۋىمداستىق قۇرىلتايشىلارىنىڭ كەزەكتى جالپى جينالىسىنىڭ قورىتىندىسى بويىنشا بۇل ۇيىمعا سامات ەرعالييەۆ پرەزيدەنت بولىپ سايلاندى.
سامات سەرىكقان ۇلى ءقازىر سپورت جانە دەنە شىنىقتىرۋ ىستەرى كوميتەتىنىڭ ءتوراعاسى قىزمەتىن اتقارادى. ەركىن كۇرەستەن سپورت شەبەرى، «ەرەن ەڭبەگى ءۇشىن» مەدالىمەن ماراپاتتالعان.
ايتا كەتسەك، Qazaq kuresi قاۋىمداستىعى 2020 جىلى قۇرىلعان بولاتىن. سول كەزدە قاۋىمداستىقتىڭ پرەزيدەنتى قىزمەتىنە كارىم ءماسىموۆ سايلانعان ەدى.
بىرنەشە جىل ۇلتتىق قاۋىپسىزدىك كوميتەتىنىڭ ءتوراعاسى بولعان كارىم ءماسىموۆ 8 قاڭتاردا ۇستالىپ، «مەملەكەتكە وپاسىزدىق جاساۋ» بابى بويىنشا قاماۋعا الىندى.