ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ «بايانكول» بولىمشەسىنىڭ اسكەري قىزمەتشىلەرىن قۇتتىقتادى، دەپ حابارلايدى almaty-akshamy.kz قازاقپاراتقا سىلتەمە جاساپ.
كوميتەتتىڭ مالىمەتىنشە، 17 تامىزدا شەكاراشىلار كۇنى قارساڭىندا ۇقك ءتوراعاسى، ۇلتتىق قاۋىپسىزدىك گەنەرال-لەيتەنانتى ك.ءماسىموۆ الماتى وبلىسىنىڭ «بايانكول» شەكارا بولىمشەسىندە بولىپ، ۆەدومستۆونىڭ جەكە قۇرامى مەن ارداگەرلەرىن قۇتتىقتاپ، وتاننىڭ قاسيەتتى شەپتەرىن كۇزەتۋ جونىندەگى جاۋاپتى قىزمەتتە تابىس تىلەدى.
«مەملەكەتتىك شەكارانى سەنىمدى قورعاۋدى جانە كۇزەتۋدى قامتاماسىز ەتۋ كوميتەتتىڭ ماڭىزدى مىندەتى بولىپ تابىلادى جانە ەل باسشىلىعىنىڭ ءجىتى نازارىندا. جاڭا قاۋىپ-قاتەرلەر مەن سىن-تەگەۋرىندەردى ەسكەرە وتىرىپ، شەكارا قىزمەتىن رەفورمالاۋ جانە ۇلتتىق قاۋىپسىزدىك ورگاندارى جۇيەسىنە ينتەگراسيالاۋ جۇرگىزىلدى»، دەلىنگەن حابارلامادا.