اتىراۋدا زاڭسىز اۋلانعان 4 توننادان استام بالىق تاركىلەندى، دەپ حابارلايدى almaty-akshamy.kz قازاقپاراتقا سىلتەمە جاساپ.
«جايىق-كاسپيي» وبلىسارالىق بالىق شارۋاشىلىعى ينسپەكسياسى قۇرمانعازى اۋداندىق ءبولىمىنىڭ قىزمەتكەرلەرى شەكارا قىزمەتكەرىمەن بىرلەسىپ 15 تامىزدا رەيد وتكىزگەن.
«ءىس-شارا كەزىندە قۇرمانعازى اۋدانىنداعى يگولكينو كانالى بويىنان شاعىن كەمە تەكسەرىلدى. كەمەدەن 4 توننا 361 كەلى بالىق تاركىلەندى. ونىڭ ىشىندە 2 563 كەلى سازان، 83 كەلى سىلا، 772 كەلى جايىن، 264 كەلى موڭكە، 360 كەلى شورتان، 319 كەلى كوكسەركە بالىعى يگولكينو ۋچاسكەسىنەن تىيىم سالىنعان مەزگىلدە زاڭسىز اۋلانعان. تاركىلەنگەن بالىق سول كۇنى «امانگەلدى» جشس-نا تاپسىرىلدى. ال شاعىن كەمە قۇرمانعازى بالىق ينسپەكسياسى بولىمىندە ۋاقىتشا ساقتاۋعا قويىلدى»، - دەپ حابارلادى ينسپەكسيا ماامندارى.
اتالعان بالىق تۇرلەرىن زاڭسىز اۋلاۋدان مەملەكەتكە 23 161 563،4 تەڭگە كولەمىندە شىعىن كەلگەن.