كارديولوگيا جانە ىشكى اۋرۋلار عىلىمي-زەرتتەۋ ينستيتۋتى 3 جىلدان كەيىن ۇلتتىق اككرەديتتەۋدىڭ جوعارى ساناتىن تاعى دا راستاي وتىرىپ، قىزمەتىن قايتا باعالاۋدان ءوتتى.
س.قايىربەكوۆا اتىنداعى ۇلتتىق دەنساۋلىق ساقتاۋدى دامىتۋ عىلىمي ورتالىعىنىڭ ساراپتامالىق توبى 2024 جىلعى 7-9 قازان ارالىعىندا ينستيتۋتتا سىرتقى كەشەندى باعالاۋ جۇرگىزدى.
«وسى جىلدىڭ شىلدە ايىندا ينستيتۋت حالىقارالىق ستاندارتتارعا سايكەستىگىن راستادى جانە JCI قايتا اككرەديتتەۋ راسىمىنەن ءوتتى. ال قازان ايىندا ۇلتتىق اككرەديتتەۋ ءبىزدىڭ كلينيكانىڭ حالىققا ءتيىمدى جانە ءقاۋىپسىز مەديسينالىق قىزمەت كورسەتۋدىڭ جوعارى دەڭگەيىن راستادى. العاش رەت ۇلتتىق اككرەديتتەۋدىڭ جوعارى ساناتى ينستيتۋتقا 2021 جىلى بەرىلدى. ساپا كريتەرييلەرى مەن ۇلتتىق ستاندارتتارعا سايكەستىگى، قىزمەتكەرلەردىڭ جوعارى كاسىبيلىگى بىزگە جوعارى ساناتتى تاعى دا راستاۋعا مۇمكىندىك بەردى»، - دەيدى كارديولوگيا جانە ىشكى اۋرۋلار عزي باسقارما ءتوراعاسى مارات پاشيموۆ.
ۇلتتىق ستاندارتتار بويىنشا: ستراتەگيالىق جانە كەشەندى جوسپارلاۋ، پاسيەنتتەردى ەمدەۋ جانە كۇتۋ، پاسيەنتتەردىڭ، عيماراتتىڭ قاۋىپسىزدىگى، ينفەكسيالىق باقىلاۋ، پاسيەنتتەردىڭ قۇقىقتارى مەن ەتيكالىق نورمالاردى ساقتاۋ، ساپانى، تاۋەكەلدەردى، قارجىنى، ادامي رەسۋرستاردى، دارىلىك زاتتار مەن مەديسينالىق بۇيىمداردى باسقارۋ، ەڭبەكتى قورعاۋ، جۇمىس ورنىنداعى قاۋىپسىزدىك جانە ت. ب. باعالاندى.
كلينيكانىڭ ءبىرىنشى باسشىسى اتاپ وتكەندەي: «دارىگەرلەر، مەيىرگەرلەر جانە اكىمشىلىك – ءبىز ءبىر كوماندامىز جانە حالىققا جاقسى كومەك كورسەتۋ، ونى ءقاۋىپسىز جانە ءتيىمدى ەتۋ ءۇشىن بىرلەسىپ جۇمىس ىستەيمىز».
اككرەديتتەۋدەن ءوتۋ دەنساۋلىق ساقتاۋ جۇيەسىندەگى ۇلتتىق ساپا ستاندارتتارىن ساقتاي وتىرىپ، ساپالى، ۋاقىتىلى جانە قولجەتىمدى مەديسينالىق كومەك كورسەتۋگە دەگەن ۇمتىلىسىمىز بەن قابىلەتىمىزدى راستادى.