الەم پاندەميا جاعدايىندا ءومىر سۇرگەلى ءبىرشاما ۋاقىت ءوتتى. ناقتىراق ايتقاندا، 2 جىلعا جۋىقتاپ كەلە جاتىر. بۇل جاعداي جاھان جۇرتىن باسقاشا ءومىر سۇرۋگە ۇيرەتتى. سەرۆيستىك قىزمەتتەر جاعى ارتتى. ياعني جەتكىزۋشى بولىپ جۇمىس ىستەيتىن جاستار كوبەيدى. وسىعان وراي ساۋالناما جۇرگىزگەن ەدىك.
شىڭعىس قايىرتاي ۇلى، Glovo جەتكىزۋشىسى:
– كارانتين – بىزدەردى مۇلدە باسقا ارناعا بۇردى. ونىڭ الدىندا كۇزەتشى بولىپ ىستەپ ءجۇردىم. اراسىندا ءار جەردە جۇمىس جاسادىم. ءبىر كۇنى تانىسىمدى جولىقتىرىپ قالدىم. اڭگىمەلەسە كەلە، قال-جايىمدى ايتتىم. ول بولسا مەنى Glovo-عا جۇمىس ىستەۋگە شاقىردى. وسىلايشا جەتكىزۋ قىزمەتتەرىندە جۇرگەنىمە 1 جىلدان استى. تابىسى جاقسى. ءقازىر كولىك ساتىپ الدىم. العاشىندا جاياۋ قاتىنادىم. ودان كوپ شارشايسىڭ. بۇگىندەرى تىرلىگىم وڭدالدى. مەنىڭ تۇسىنگەنىم تىنباي تىرلىك جاساي بەرۋ كەرەك ەكەن. سوندا ءىس وڭادى.
ابزال نۇراددينوۆ، «ياندەكس» جەتكىزۋشىسى:
– وسى جۇمىسپەن اينالىسىپ جۇرگەنىمە ريزامىن. تاڭعى ساعات 10:00-دەن باستاپ سلوت اشىلادى. سودان باستاپ ءتۇن ورتاسىنا دەيىن جۇرەمىن. ويدا ءبىر-اق نارسە - ۋاقىت الىپ، مول تاپسىرىس قابىلداۋ. قانشا كوپ تاپسىرىس الاسىز، سونشا تاباسىز. ەڭ باستىسى، ەرىنبەۋ كەرەك. ءدال قازىرگى ۋاقىتتا العان تاپسىرىستارىمدى موپەدپەن جەتكىزەمىن. نەشە ءتۇرلى وقيعالار مەن تۇتىنۋشىلاردى كورەسىز. نەگىزى، وڭاي ءىس جوق. مەن سوندىقتان سابىر ساقتاپ، كۇندەلىكتى ىسىمە تىڭعىلىقتى بولۋعا تىرىسامىن.