بىلتىردان بەرى تەك سيىرلار عانا ساقتاندىرىلىپ كەلگەن.
مال اۋرۋدان، ورتتەن، جازاتايىم وقيعالاردان ولسە، ۇرىلار سويىپ السا نەمەسە جوعالىپ كەتسە، ساقتاندىرۋ ارقىلى شىعىندى وتەپ الۋعا بولاتىن مەحانيزم ۇسىنىلادى، دەپ حابارلايدى Almaty-akshamy.kz ق ر اۋىل شارۋاشىلىعى مينيسترلىگىنىڭ باسپا ءسوز قىزمەتىنە سىلتەمە جاساپ.
اۋىل شارۋاشىلىعى مينيسترلىگى اوك سالاسىنداعى ساقتاندىرۋ قۇرالدارىن دامىتۋ بويىنشا جۇمىستى جالعاستىرۋدا. وسىمدىك شارۋاشىلىعىنداعى ىلعالدىڭ جەتىسپەۋشىلىگى مەن ارتىقشىلىعىنان القاپتاردى ساقتاندىرۋ جانە مال شارۋاشىلىعىنداعى ءىرى قارا مالدى ساقتاندىرۋ بويىنشا قولدانىستاعى ونىمدەرگە ۇساق قارا مال مەن جىلقىلاردى ساقتاندىرۋ قوسىلدى. 2020 جىلدان بەرى مال شارۋاشىلىعىندا تەك سيىرلاردى ءتۇرلى تاۋەكەلدەردەن ساقتاندىرۋ جۇمىسى اتقارىلىپ كەلگەن بولاتىن.
نارىققا ۇساق مال مەن جىلقىلاردى تولىق ساقتاندىرۋدى قامتاماسىز ەتەتىن جاڭا ونىمدەر ەنگىزىلدى. وعان بارلىق ىقتيمال تاۋەكەلدەر كىرەدى جانە سالىستىرمالى تۇردە قۇنى دا تومەن. مالدى قالىپتى تۇردە ساقتاندىرۋ اياسىندا فەرمەر مالىن ءوز شارۋاشىلىعىنىڭ اۋماعىندا عانا ءتۇرلى تاۋەكەلدەردەن ساقتاندىرا الادى. ساقتاندىرۋدىڭ كەڭەيتىلگەن ءتۇرى فورماتىندا فەرمەر مالىن 5 كم راديۋستا ورنالاسقان كورشى شارۋاشىلىقتارداعى اۋرۋلاردىڭ ورشۋىنەن ساقتاندىرادى.
ساقتاندىرۋعا جاتاتىن باس سانى - كەمىندە 30. ساقتاندىرىلاتىن مال سانىنا بايلانىستى ساقتاندىرۋ تاريفتەرىنىڭ ءارتۇرلى دەڭگەيلەرى بەلگىلەنگەن، ماسەلەن، جىلقى ءۇشىن - 2،31-دەن 6،46%-عا دەيىن، ۇساق مال ءۇشىن - 2،38-دەن 6،16%- عا دەيىن.
«وسى ونىمدەر بويىنشا ساقتاندىرۋ سىياقىلارىن سۋبسيديالاۋ تۇرىندە مەملەكەتتىك قولداۋ جۇمىس جاسايدى. ول اۋىل شارۋاشىلىعى تاۋار وندىرۋشىلەرىن ىنتالاندىرۋعا جانە ساقتاندىرۋ سىيقاقىسى سوماسىنىڭ 50%-ىن سۋبسيديالاۋ ارقىلى ساقتاندىرۋ شارتىن جارتىلاي ارزانداتۋعا باعىتتالعان. وسىلايشا، ساقتاندىرۋ شارتىن جاساسۋ كەزىندە فەرمەر شارت قۇنىنىڭ جارتىسىن تولەيدى، قالعان جارتىسىن ول ءۇشىن وپەراتور – اۋىل شارۋاشىلىعىن قارجىلاي قولداۋ قورى تولەيدى» - دەپ اتاپ ءوتتى قوردىڭ باسقارۋشى ديرەكتورى – باسقارما مۇشەسى اسقار قالييەۆ.
جۇيەدە قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ جونىندەگى اگەنتتىگىنىڭ ليسەنزياسى بار ساقتاندىرۋ كومپانيالارى عانا جۇمىس ىستەيدى. وسى تاۋەكەلدەردى الەمدىك ساقتاندىرۋ نارىعىندا «ا» رەيتينگىسى بار حالىقارالىق قايتا ساقتاندىرۋ كومپانياسى قايتا ساقتاندىراتىن بولادى. بۇل ساقتاندىرۋ تاۋەكەلدەرى تۋىنداعان جاعدايدا كەپىلدەندىرىلگەن تولەمدەردى قامتاماسىز ەتۋگە مۇمكىندىك بەرەدى.
شارت جاساسۋدان باستاپ تولەمدەرگە دەيىنگى بارلىق راسىمدەر فەرمەردىڭ ەلەكتروندى سيفرلىق قولتاڭباسى ارقىلى Qoldau.kz پلاتفورماسىندا ورنالاسقان Agroinsurance اقپاراتتىق سەرۆيسىندە جۇرگىزىلەدى. اتالعان ونىمدەر بويىنشا اۆتوماتتاندىرۋ ءىشىنارا بولىپ تابىلادى. ەگەر جانۋار اۋىرعان جاعدايدا ەپيزووتيالىق قىزمەتتەر ءىس-شارالارىن جۇرگىزۋى كەرەك جانە ولاردىڭ ناتيجەلەرى جۇيەگە جۇكتەلەدى.