جەدەل تەرگەۋ ءىس-شارالارى بارىسىندا كولەڭكەلى اينالىمنان ستاۆكالاردى قابىلداۋ، ۇتىستاردى ەسەپتەۋ جانە بەرۋ فۋنكسيالارى جانە ونلاين-كازينو ۇيىمداستىرۋعا مۇمكىندىك بەرەتىن قوسىمشالارى بار 104 ويىن كومپيۋتەرلەرىنىڭ جيىنتىعى تاركىلەنىپ الىندى.
قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى كومپيۋتەرلىك كلۋبتىڭ قىزمەتى تۇرىندەگى زاڭسىز ويىن بيزنەسىن ۇيىمداستىرۋشىلارعا قاتىستى سوتقا دەيىنگى تەرگەپ-تەكسەرۋدى اياقتادى، دەپ حابارلايدى Almaty-akshamy.kz اتالمىش اگەنتتىكتىڭ باسپا ءسوز قىزمەتىنە سىلتەمە جاساپ.
زاڭسىز ويىن بيزنەسىن ۇيىمداستىرۋشىلار ق ر قك 307-بابىنىڭ 3-بولىگىنىڭ 2-تارماعىمەن (اسا ءىرى مولشەردە كىرىس الۋمەن زاڭسىز ويىن بيزنەسىن ۇيىمداستىرۋ) قاراستىرىلعان قىلمىستى جاساعانى ءۇشىن كىنالى دەپ تانىلىپ، 4،6 جىلعا باس بوستاندىعىنان ايىرىلدى.
بۇدان باسقا، 5،5 ملن.تەڭگەدەن استام مولشەردە زاڭسىز كىرىسكە يە بولعان زاڭسىز ويىن بيزنەسى ءۇشىن ءۇي-جايدى جالعا بەرگەن جالعا بەرۋشىگە قاتىستى ۇكىم شىعارىلدى.
سوت وعان 1 جىل 6 اي مەرزىمگە باس بوستاندىعىن شەكتەۋ جازاسىن تاعايىندادى.
ق ر قما قىلمىستىق كودەكسكە سايكەس، ويىن بيزنەسىن ۇيىمداستىرعانى ءۇشىن، سونداي-اق زاڭسىز قۇمار ويىندارعا جالعا ءۇي-جاي ۇسىنعانى ءۇشىن قىلمىستىق جاۋاپكەرشىلىك قاراستىرىلعانىن ەسكەرتەدى.