«شەتتە جۇرسەڭ، ەلىڭدى ساعىناسىڭ. تۋعان جەردىڭ ءقادىرىن ۇعاسىڭ»، - دەيدى كاليفورنيادا جۇرگەن قازاقتار.
ەرەسەكتەر عانا ەمەس، جاستار دا اتاجۇرتتى اڭسايدى. تۋعان جەرگە دەگەن ساعىنىشتان بالالاردىڭ الدى از عانا ۋاقىتتا دومبىرا تارتۋدى ۇيرەنگەن، دەپ حابارلايدى اlmaty-akshamy.kz 24.kz-كە سىلتەمە جاساپ.
لوس-اندجەلەستە ءبىر جىلدان بەرى دومبىرا ۇيىرمەسى جۇمىس ىستەپ تۇر. دومىبارا تارتۋ ءوز الدىنا، ونى توپ بولىپ ءبىر ىرعاقپەن شەرتۋدىڭ ءوزى ۇلكەن ونەر. تۋعان جەردە ۇلتتىق اسپاپتى ۇستاماعان بالالار ءبىر جىل ىشىندە دومبىرانى شەبەر مەڭگەرىپ الدى. ەلگە دەگەن ساعىنىش ۇلتتىق سالت-داستۇرگە قىزىعۋشىلىقتى كۇشەيتكەندەي.
مەرۋەرت باۋىرجان، دومبىرا ۇيىرەنۋشى: - ەلدە جۇرگەندە قازاق داستۇرىنە ونشا قىزىقپاپپىز. وسىندا كەلىپ تۇسىندىك. ءوزىڭنىڭ مادەنيەتىڭدى، ءداستۇرىڭدى، داستارحانىڭدى ساعىنادى ەكەنسىڭ. سول ءۇشىن، مىنە، ءتىل وقىپ، دومبىرا ۇيرەنىپ ءجۇرمىز.
بەكنۇر ءابدىساقىپ، دومبىرا ۇيىرەنۋشى: - دومبىرانى وسىندا كەلىپ، قولىما ۇستادىم. ءقازىر اجەپتاۋىر ۇيرەنىپ قالدىم. 1-2 كۇيدى بىلەمىن.
ۇيىرمە كاليفورنيا قازاقتارى قاۋىمداستىعىنىڭ جانىنان ءبىر جىل بۇرىن اشىلعان. ءمۇعالىم ايگەرىم نۇرجاۋبەكوۆا دا بۇرىن سوڭدى دومبىرادان ساباق بەرىپ كورمەپتى. الايدا مۋزىكالىق ءبىلىمى كومەك بولىپ، ءقازىر 20 شاكىرت تاربيەلەپ وتىر. ناتيجە دە جامان ەمەس. بالالاردىڭ الدى 5 كۇيدى ۇيرەنىپ العان.
ايگەرىم نۇرجاۋبەكوۆا، ەرىكتى ۇيرەتۋشى: - حالىق كۇيلەرىنەن باستادىق، حالىق اندەرىن بىلەدى. كەيدە سويلەسەم، وزدەرىڭ نە ۇيرەنگىلەرىڭ كەلەدى دەپ. ولار قازىرگى ترەندتەگى كۇيلەردى سۇرايدى. قاتارلاستارىنىڭ دومبىرا تارتقانىنا قىزىعىپ، ۇيىرمەگە سۇرانىپ كەلىپ جاتقان بالا كوپ، - دەيدى ايگەرىم. سوندىقتان ولاردى جاس ەرەكشەلىكتەرىنە قاراي 2 توپقا بولگەن.
ءبىر جىلدا بىرنەشە حالىق كۇيىن ۇيرەنگەن جاسوسپىرىمدەر كوپ ۇزاماي كاسىبي دومبىراشى دەڭگەيىنە جەتەرىنە سەنىمدى.
يستوچنيك: https://24.kz/kz/zha-aly-tar/lemde/item/628368-kaliforniyada-dombyra-jirmesi-bar
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.24.kz