بيىل بولاشاق باعدارلاماسىنىڭ وتىز جىلدىعى.
بۇل ايشىقتى داتانى مۇحيت اسىپ ءبىلىم قۋىپ، بىلىكتىلىگىن شىڭداپ جۇرگەن قازاقستاندىق جاستار اقش-تىڭ بوستون قالاسىندا اۋقىمدى سپورتتىق جارىستار وتكىزىپ اتاپ ءوتتى. شەتەلدىكتەر دە قازاق جاستارىنا الەمدىك دەڭگەيدەگى ءبىلىم نارىمەن سۋسىنداۋعا مۇمكىندىك بەرگەن بىرەگەي باعدارلامانى جوعارى باعالاپ وتىر، دەپ حابارلايدى اlmaty-akshamy.kz qazaqstan.tv-گە سىلتەمە جاساپ.
گارۆارد، ماساچۋسەتس تەحنولگيالىق ينستيتۋتى سەكىلدى الەمدەگى بەدەلدى جوو ورنالاسقان بوستون اقش-تىڭ اكادەميالىق استاناسى سانالادى. سوندىقتان بۇل جەردە ءبىلىم الىپ جاتقان قازاقتار دا كوپ. مەرەكەگە وراي ۇيىمداستىرىلعان سپورتتىق شاراعا تاڭ سارىدەن جۇزدەن اسا جاستىڭ جينالۋى سونىڭ ايعاعى بولسا كەرەك. قازاقتىڭ تۋىن الىستان بايقاپ قالعان امەريكالىق پەر حاندەر دە شاراعا اسىعا جەتىپتى. قازاقستانمەن ۋران ءوندىرىسى بويىنشا ون جىلدان بەرى تىعىز بايلانىس ورناتقان بيزنەسمەن بولاشاق ارقىلى شەتەلدە ءبىلىم العان قازاق جاستارىمەن جۇمىس بارىسىندا تالاي كەزدەسكەنىن ءارى ولاردىڭ جان-جاقتىلىعىنا ءتانتى بولعانىن ايتادى.
پەر حاندەر،كاسىپكەر:
ولار جاس بولسا دا وتە ساۋاتتى، اقىلدى، بىرنەشە تىلدە ەركىن سويلەيتىن مىقتى ماماندار. سوندىقتان مەنىڭشە بولاشاق وتە ءساتتى باعدارلاما جانە ەلدىڭ دامۋىنا ۇلكەن ۇلەسى بار دەپ ويلايمىن.
پەر حاندەر تالاپتى جاستارعا ءبىلىم الۋعا مۇمكىندىك بەرگەن باعدارلامانىڭ جىلدان جىلعا ماڭىزى ارتا تۇسەتىنىنە سەنىمدى. سەبەبى، باسەكەگە قابىلەتتى مەملەكەت قالىپتاستىرۋ ءۇشىن دامىعان ەلدەردىڭ وزىق تەحنولوگياسىن اكەلۋ جەتكىلىكسىز، وزىق ءبىلىمىن مەڭگەرۋ كەرەك. سوندىقتان دا بوستوندا IT، مەديسينا سەكىلدى ماڭىزدى سالالاردا ءبىلىم الىپ جۇرگەن قازاقتار از ەمەس. مەرەيتويعا وراي ولاردىڭ ءبىر بولىگى فۋتبول ويناپ، ۇستەل تەننيسىنەن جارىسسا، ەندى ءبىرى شاحماتتان باعىن سىنادى.
تاتيانا زلاتايەۆا، بوستون ۋنيۆەرسيتەتى مەتروپوليتەن كوللەدجىنىڭ دەكانى:
بۇل مەرەكە قازاقستان مەن بوستون ۋنيۆەرسيتەتى اراسىنداعى بايلانىستىڭ 30 جىلدىعىن ايشىقتايدى. وسى ۋاقىت ارالىعىندا ءبىزدىڭ جوعارعى وقۋ ورنىن جۇزدەگەن قازاقستاندىق ستۋدەنت ءتامامدادى. ولار مەملەكەتتىك قىزمەتتە، كاسىپتە جانە قوعامنىڭ بەلسەندى مۇشەسى رەتىندە دە تانىتىپ ءجۇر. مەن سوعان قۋانامىن. ءقازىر دە قازاق ستۋدەنتتەرى ۋنيۆەرسيتەتىمىزدەگى 17 ءتۇرلى ماماندىقتى مەڭگەرىپ جاتىر.
باعدارلاما ىسكە قوسىلعان وتىز جىل ىشىندە 12 مىڭ قازاقستاندىق الەمنىڭ ۇزدىك وقۋ ورىندارىنىن ءتامامداسا، ونىڭ باسىم بولىگى امەريكا ۋنيۆەرسيتەتتەرىنىڭ تۇلەكتەرى. ءقازىردىڭ وزىندە اقش-تا جارتى مىڭنان استام ستەپەنديات ءبىلىم الىپ جاتىر.