كايردە بەيبارىس سۇلتان مەشىتى قايتا اشىلدى

بۇل شارا بەيبارىس سۇلتاننىڭ 800 جىلدىعىن مەرەكەلەۋ باعدارلاماسىنا كىرەدى.

قازاقستاندىق دەلەگاسيا مىسىردا بەيبارىس سۇلتان مەشىتىنىڭ قايتا اشىلۋ سالتاناتىنا قاتىستى، دەپ حابارلايدى Almaty-akshamy.kz

ەلىمىزدەن بارعان دەلەگاسيا قۇرامىندا سەنات سپيكەرى ماۋلەن اشىمبايەۆ، مادەنيەت جانە سپورت ءمينيسترى اسحات ورالوۆ، اقپارات جانە قوعامدىق دامۋ ءمينيسترى دارحان ءقىدىرالى جانە باسقا دا قوعام قايراتكەرلەرى بار.

"بۇگىن قازاقستان مەن مىسىر ءۇشىن وتە ماڭىزدى كۇن. ءبىز كايردىڭ كورىكتى جەرلەرىنىڭ ءبىرىن قايتا اشىپ قانا قويماي، ەكى مەملەكەت اراسىنداعى مادەني جانە رۋحاني بايلانىستى نىعايتامىز. بەيبارىس ءسۇلتان-بىزدىڭ ەلدەرىمىزدىڭ تاريحىنداعى ماڭىزدى تۇلعا، سوندىقتان مىسىر تاراپىنا بارشامىز ءۇشىن ماڭىزدى مادەني مۇرانى ساقتاۋ ماسەلەسىندەگى سەرىكتەستىگى ءۇشىن العىس ايتقىم كەلەدى"، - دەدى مادەنيەت جانە سپورت ءمينيسترى اسحات ورالوۆ.

سونداي-اق، قازاق جانە اراب تىلدەرىندە مەموريالدىق تاقتالاردىڭ اشىلۋى ءوتتى، ودان كەيىن قوناقتار مەشىتكە بارىپ، نىساندى ارالادى.

"ءىس-شارا بەيبارىس سۇلتاننىڭ 800 جىلدىعىن مەرەكەلەۋ باعدارلاماسىنا كىرەدى. بارلىعى 300-دەن استام ءىس-شارا جوسپارلانعان. بۇل عىلىمي-پراكتيكالىق كونفەرەنسيالار، دوڭگەلەك ۇستەلدەر، سپەكتاكلدەر جانە تاعى باسقالار. مىسالى، اقپان ايىندا استانا كوشەلەرىنىڭ بىرىنە تاريحي تۇلعانىڭ ەسىمى بەرىلدى، ال ل.گۋميليەۆ اتىنداعى ەۇۋ-دا حالىقارالىق عىلىمي-پراكتيكالىق كونفەرەنسيا ءوتتى. مامىر ايىنىڭ ورتاسىندا ماحامبەت اتىنداعى اتىراۋ وبلىستىق اكادەميالىق قازاق دراما تەاترى استانادا "بەيبارىس" قويىلىمىن ۇسىندى"، - دەدى مينيستر.