مەملەكەتتىك كەڭەس سايلاۋدى 2023 جىلعا قالدىرۋعا شاقىرىپ وتىر
جەلتوقسان ايىندا وتەتىن پرەزيدەنت سايلاۋىنا ەلدىڭ بۇرىنعى باسشىسى مۋامار كاددافيدىڭ ەكىنشى ۇلى سەيف ءال-يسلام كاددافي قاتىسۋعا نيەت ءبىلدىرىپ وتىر. ول ۇمىتكەر رەتىندە قۇجاتىن تىركەۋگە وتكىزىپ قويعان، دەپ حابارلايدى Almaty-akshamy.kz.
اl-Marsad باسىلىمىنىڭ مالىمەتىنشە، سەيف ءال-يسلام سەبحا قالاسىنداعى وڭىرلىك سايلاۋ كوميسسياسىنا پرەزيدەنتتىككە ۇمىتكەر رەتىندە قۇجاتىن تاپسىرعان. ليۆيا ەلىنىڭ بۇرىنعى باسشىسىنىڭ ۇلى قۇجات تاپسىرۋ كەزىندە ونىڭ قاسىندا ادۆوكاتى حالەد از-زايدي دە بولعان.
ليۆياداعى پارلامەنت جانە پرەزيدەنت سايلاۋى وسى جىلدىڭ 24 جەلتوقسانىندا ءوتۋ كەرەك، الايدا ول ءۇشىن ءتيىستى زاڭ قابىلدانۋ قاجەت. مەملەكەتتىك كەڭەس پارلامەنت ۇسىنعان زاڭ نورماسىن ماقۇلدامادى. ويتكەنى ول فەلدمارشال حاليف حافتاردى ۇمىتكەر رەتىندە ۇسىنۋعا مۇمكىندىك بەرەدى. ول ليۆيا پرەزيدەنتى سايلاۋىنا ءتۇسۋ ءۇشىن 22 قىركۇيەكتە ليۆيا ۇلتتىق اسكەرى باس قولباسشىسى لاۋازىمىنان ءۇش ايعا كەتكەن بولاتىن. مەملەكەتتىك كەڭەس سايلاۋدى 2023 جىلعا قالدىرۋعا شاقىرىپ وتىر.
مۋاممار كاددافيدىڭ رەجيمى قۇلاعان سوڭ ليۆيا باتىسىنداعى تريپوليدە حالىقارالىق مويىندالعان ۇلتتىق كەلىسىم ۇكىمەتى جۇمىس ىستەپ جاتىر. ال، ەلدىڭ شىعىسىن حاليف حافتار باسشىلىعىمەن ليۆيا ۇلتتىق اسكەرى باسقارىپ وتىر.
ايتا كەتسەك، ليۆياداعى پرەزيدەنت سايلاۋى 2019 جىلى ءوتۋ كەرەك بولعان. الايدا حاليف حافتاردىڭ تريپوليگە جاساعان شابۋىلىنان سوڭ بەلگىلى ءبىر ۋاقىتقا كەيىنگە شەگەرىلگەن. ليۆيا ساياسي ديالوگ فورۋمىندا پرەزيدەنت سايلاۋىن وتكىزەتىن كۇن اتالعان ەدى.