ونەر بەسىگىندە تەربەلىپ وسكەن، اقىندىق دارىنى جاس كەزىنەن-اق تانىلا باستاعان جامبىل جابايەۆ اقىن، جاۋىنگەر جىرشى بولدى. ول - شىن ماعىناسىنداعى بيىك پاراساتتى ونەرپاز، ازاماتتىق ساياسي پوەزيانى قالىپتاستىرۋشى تۇلعا. جامبىلدىڭ ۇلىلىعى ونىڭ تەك اقىندىق شەبەرلىگىمەن عانا ەمەس، سونىمەن بىرگە حالىق پوەزياسىنىڭ بۇتاق جايعان جاڭا ءبىر بايتەرەگى بولۋىمەن، باسقاشا ايتقاندا، حالىق اقىندارىنىڭ جاڭا ۇلى كوشىن باستاعان دارالىعىمەن دە ولشەنەدى. اقىننىڭ شىعارماشىلىعى جىراۋلىق پوەزيانىڭ شارىقتاۋ شەگى مەن اقىندىقتىڭ باستالۋ اياسى دەپ كورسەتىلەدى. ول جىراۋلاردىڭ بايتاق ەپيكالىق ءداستۇرىن، قازاق ءسوز ونەرىندەگى عاجايىپ يمپروۆيزاسيالىق ءۇردىستى بۇتىندەي جاڭا ارناعا بۇرىپ، وعان جاڭا مازمۇن دارىتتى. ونىڭ سوزدەرى ۇرانعا اينالىپ، ءوزى حالىق پوەزياسىنىڭ اتاسى اتالدى.
«جامبىل جىرلارى تەڭىز تۇبىندە شاشىلىپ جاتقان مارجان سەكىلدى. ونى جيناپ الىپ حالقىنىڭ قولىنا بەرۋ – ءبىزدىڭ ءارقايسىمىزدىڭ ازاماتتىق بورىشىمىز». ساكەن سەيفۋللين
ەلباسىنىڭ «بولاشاققا باعدار: رۋحاني جاڭعىرۋ» مەملەكەتتىك باعدارلاماسى اياسىندا «جىر جازامىن جۇرەگىمنەن» اتتى جانە قازاق حالىق پوەزياسىنىڭ ايگىلى تۇلعاسى، ولەڭ ءسوزدىڭ ءدۇلدىلى، جىراۋ، جىرشى جامبىل جابايەۆتىڭ تۋعانىنا 175 جىل مەرەيتويىنا وراي ليسەيىشىلىك جىر ءمۇشايراسى بولىپ ءوتتى.
بۇل ءمۇشايرانىڭ ەرەجەسى ەلباسىنىڭ «بولاشاققا باعدار: رۋحاني جاڭعىرۋ» ماقالاسىنىڭ نەگىزگى قاعيداسىن، يگىلىكتى يدەياسىن ناسيحاتتاۋ، ەلباسى ماقالاسىنىڭ نەگىزىندە تاۋەلسىز قازاق ەلىنىڭ تاريحىن، رۋحاني جاڭعىرۋ، «ماڭگىلىك ەل» يدەياسىن جىرلاعان تۋىندىلار مەن ءسوزدىڭ ءدۇلدىلى، جىراۋ، جىرشىسى جامبىل جابايەۆقا ارنالعان ولەڭدەر جانە ەركىن تاقىرىپتاعى پوەزيالىق شىعارمالار ۇسىنىلادى.
ءمۇشايرانىڭ ماقساتى «بولاشاققا باعدار: رۋحاني جاڭعىرۋ» ماقالاسىنىڭ ءمانى مەن بۇگىنگى تاڭداعى تاريحي ماڭىزىن اشۋ، جاستار بويىندا ۇلتتىق مادەني قۇندىلىقتارعا قۇرمەت سەزىمىن، پاتريوتتىق رۋحتى قالىپتاستىرۋ جانە ءسوزدىڭ ءدۇلدىلى، جىراۋ، جىرشى جامبىل جابايەۆتىڭ شىعارمالارىن ناسيحاتتاۋ ءارى جاس تالانتتار شىعارماشىلىعىنا جول اشۋ بولاتىن.
جامبىل - جىردىڭ تولاسسىز بۇلاعى، وشپەس ونەگەسى، توزبايتىن اسىلى. ول جاس ۇرپاقتىڭ سىرلاسىنداي، قيماسىنداي ماڭگى بىرگە جاساي بەرەدى دەپ وقۋشىلارىمىزدىڭ ۇزدىك ءۇش تۋىندىسىن ۇسىنىپ وتىرمىز.
ەلىمە ارناۋ
كورمەسەك تە ءومىردىڭ كوپ سىناعىن،
ايتايىنشى حالىقتىڭ مەن سۇراۋىن.
بۇگىنگىنىڭ باتىرىن مەن جىرلايىن
بويىندا باتىرلىعى مىقتى باسىم.
بۇگىنگىنىڭ باتىرى – دارىگەرلەر،
ناۋقاس ءۇشىن تىكەدەن تىك تۇراتىن.
بۇگىنگىنىڭ باتىرى – مۇعالىمدەر
جۇرەكتەرى شاكىرتىم دەپ سوعاتىن.
بۇگىنگىنىڭ باتىرى – جاقسى ادامدار
جاقسىلىق جاساۋ ءۇشىن ۇمتىلاتىن.
اعايىن، باتىرلاردى باعالايىق،
وسى ادامدار اقتايتىن ەل مۇراتىن.
تەلىباي ەسكەندىر، 8 «ب» سىنىپ وقۋشىسى
ماڭگىىلك ەل
شابىتتاي شالقۇيرىعىم بابىنا كەل،
كومەيدەن سۇتتەي ولەڭ اعىلا بەر.
دالانىڭ جەتى قىرىن جىرعا قوسسام،
جاراتقان، ماڭگىلىك ەل باعىما بەر.
تونىكوك پەن كۇلتەگىنگە ۇيىتقانداي،
قازاعىم، اتا سالتقا باعىنا بەر.
تال ەگىپ، ات باپتاپ، ەل قورعاعان
ەجەلدەن قىدىرى دارىعان ەل.
التىن ادام تابىلعان كەڭ دالاڭنان،
قازاعىم – وزىق بويلى، دامىعان ەل.
تۇياعىڭنان حال كەتپەي، تەكتى ەلىم،
بار الەمگە تەكتىلىكپەن تانىلا بەر!
تەلىباي ەسكەندىر، 8 «ب» سىنىپ وقۋشىسى
ساڭلاقتار
ەلىمنىڭ اتىن شىعارعان،
قولىنا كوك ءتۇستى تۋ العان.
ەلىم، جەرىم، حالقىم دەپ،
الدىڭعى قاتارعا تۇرا العان.
كوك تۋدى كوك اسپاندا جەلبىرەتكەن،
انۇرانمەن جۇرەكتى ەلجىرەتكەن.
قازاقتىڭ جىگىتتەرى جاساي بەرسىن،
گەنناديي، باقتيارداي، ادىلبەكتەر!
ەل سەنىمىن اقتاعان ەرلەرسىزدەر،
ازات ەلگە التىن الىپ كەلگەنسىزدەر.
بەيبىت كۇندە ەل سەنىمىن اقتاي بىلگەن،
بۇگىنگىنىڭ باتىرلارى سىزدەرسىزدەر.
ەرجان ۇلى تاڭىربەرگەن، 7 "ءا" سىنىپ وقۋشىسى