الماتىدا كوروناۆيرۋس جۇقتىرعان 1 899 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى، دەپ حابارلايدى almaty-akshamy.kz
27 قىركۇيەك كۇنگى اقپارات بويىنشا، ءبىر تاۋلىكتە قالادا 413 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن – 385، سيمپتومسىز – 28 ناۋقاس تىركەلدى. بارلىق ەمدەلىپ شىققاندار – 365، كەلىپ تۇسكەنى – 187 «ينفەكسيالىق ستاسيونارلاردا 1 899 ادام بار (توسەك-ورىننىڭ جالپى سانى –5230)، ونىڭ ىشىندە 54 بالا ەمدەلۋدە»، – دەپ ناقتىلادى قوعامدىق دەنساۋلىق باسقارماسىنىڭ باسپا ءسوز قىزمەتىنەن.
سونداي-اق، رەانيماسيا جانە قارقىندى تەراپيا بولىمىندە 192 ادام جاتىر. ال 31 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 92 ادام ەم قابىلداۋدى جالعاستىرۋدا. High flow-دا 51 اپپارات جۇمىس ىستەيدى. مەديسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديسينا ورتالىعىنىڭ امبۋلاتوريالىق باقىلاۋىندا 4 530 پاسيەنت بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا – 4 268 ناۋقاس. 164 ادامدا كوروناۆيرۋس بەلگىلەرى جوق.