توتەنشە جاعدايلار دەپارتامەنتى ءورت قاۋىپسىزدىگىن ساقتاۋعا شاقىردى.
الماتى وبلىسىنىڭ اۋماعىندا «تۇرعىن ءۇي سەكتورىنداعى ءورت قاۋىپسىزدىگى سەنبىلىگى» ءوتتى، دەپ حابارلايدى Almaty-akshamy.kz.
تۇرعىن ۇيلەردەگى ورتتەردىڭ الدىن الۋ جانە بولدىرماۋ ماقساتىندا الماتى وبلىسى تجد قىزمەتكەرلەرى اعىمداعى جىلدىڭ 15 تامىزى مەن 15 قازانى ارالىعىندا الماتى وبلىسىنىڭ اۋماعىندا جىلىتۋ ماۋسىمىنا دايىندىق بويىنشا «ءورت قاۋىپسىزدىگى ايلىعىن» وتكىزەدى.
ايلىق اياسىندا الماتى وبلىسى تجد قىزمەتكەرلەرى پوليسيا قىزمەتكەرلەرىن، گاز قىزمەتتەرىنىڭ جۇمىسشىلارىن، ەرىكتىلەردى جانە جەرگىلىكتى اتقارۋشى ورگانداردى تارتا وتىرىپ، الماتى وبلىسى اۋماعىندا «تۇرعىن ءۇي سەكتورىنداعى ءورت قاۋىپسىزدىگى سەنبىلىگىن» وتكىزدى. سەنبىلىكتى وتكىزۋ بارىسىندا 600-دەن استام ادام جۇمىلدىرىلعان. تۇرعىندارعا 8000 دانادان استام جادىنامالار تاراتىلىپ، حالىقپەن نۇسقاۋلىقتار جانە اڭگىمەلەسۋلەر جۇرگىزىلدى.
«ەستەرىڭىزگە سالا كەتەيىك، وتكەن 2020-2021 جىلداردىڭ جىلىتۋ كەزەڭىندە الماتى وبلىسىنىڭ اۋماعىندا 445 تۇرمىستىق ءورت ورىن الدى، ونىڭ ىشىندە ەڭ كوپ ورتتەر جىلىتۋ پەشتەرىن ورناتۋ جانە پايدالانۋ كەزىندە، ەلەكتر جابدىقتارىن مونتاجداۋ مەن تەحنيكالىق پايدالانۋ كەزىندە جانە تۇرمىستىق ەلەكتر قۇرالدارىن پايدالانۋ كەزىندەگى ءورت قاۋىپسىزدىگى ەرەجەلەرىن بۇزۋ سەبەبىنەن بولعان. سىزدەردەن بارلىق ءورت قاۋىپسىزدىگى ەرەجەلەرىن ساقتاۋدى سۇرايمىز»، - دەپ مالىمدەدى الماتى وبلىسى تجد.