الماتىدا ينتەرۆەنسيالىق حيرۋرگتار ينفاركت الدىنداعى اۋىر جاعداي - سول جاق كورونارلىق ارتەريا ءدىڭىنىڭ 99% ستەنوزى بار ەر ادامنىڭ ءومىرىن ساقتاپ قالدى، دەپ حابارلايدى almaty-akshamy.kz
60 جاستاعى ەر ادام كەۋدەسىنىڭ اۋىرسىنۋىنا، جالپى السىزدىگىنە، ءجيى شارشاۋ بەلگىلەرىنە شاعىمدانعان، ايتۋىنشا، ءبىراز جۇرگەن سوڭ جۇرەگى قىسىپ قالعان. پاسيەنتتىڭ انامنەزىنەن: 2017 جىلى ستەنت قويىلعان.
الماتىداعى № 7 قالالىق كلينيكالىق اۋرۋحانانىڭ تاجىريبەلى، جوعارى بىلىكتى ينتەرۆەنسيالىق حيرۋرگتەرى جەدەل تەكسەرۋ بارىسىندا ناۋقاستىڭ جاعدايىنىڭ اۋىرلىعىن بايقادى.
جۇرەك تامىرلارىن دياگنوستيكالاۋ ماقساتىندا قان تامىرلارىنىڭ جاعدايى بويىنشا وتا جاساۋ تۋرالى شەشىم قابىلداۋ ءۇشىن الدىمەن كوروناروگرافيا جۇرگىزىلدى.
ناۋقاستىڭ جاعدايى وتە اۋىر ەدى، ءولىم ءقاۋپى جوعارى بولدى، ويتكەنى كوروناروگرافيا سول جاق كورونارلىق ارتەريانىڭ باعانالى زاقىمدانۋىن انىقتادى (90%).
«ناۋقاستىڭ دىڭدىك ارتەرياسى زاقىمدانعان. ەگەر ارتەريا 99،9% جابىلىپ قالسا، بۇل اۋىر زاقىمدانۋ - ولىمگە اكەلەدى. اسقىنۋ ءقاۋپى دە وتە جوعارى. مۇنداي جاعدايدا ادەتتە اشىق وتا جاساۋ كەرەك. زەرتتەۋ ناتيجەسى بويىنشا دا ستەنت قويۋعا بولادى، ەكى جاعدايدا دا اسقىنۋ ءقاۋپى بىردەي، - دەيدى الماتى قالاسىنىڭ №7 قالالىق اۋرۋحاناسى ينتەرۆەنسيالىق حيرۋرگيا بولىمشەسىنىڭ مەڭگەرۋشىسى، وتا جاساعان حيرۋرگ ساكەن انارتايەۆ.
2017 جىلى قويىلعان ەسكى ستەنتتە رەستەنوز جانە ترومبوز بەلگىلەرىنسىز ءوتىمدى ەدى.
دارىگەرلەردىڭ ايتۋىنشا، ناۋقاسقا وتانىڭ ىقتيمال قاۋىپتەرى تۋرالى تۇسىنىكتەمە بەرىلدى، ويتكەنى قان تامىرلارىنىڭ جاعدايى تۇراقتى ەمەس. سول جاق كورونارلىق ارتەريانىڭ بيفۋركاسيا (تارماقتالۋى، ءبولىنۋى) ايماعىندا كۇردەلى ستەنوز بولدى، بۇل قان تامىرلارىنىڭ قابىرعاسىنداعى تۇيىنشەكتەر. سونىمەن قاتار، ناۋقاستا تۇيىنشىكتەردىڭ جارىلۋى بايقالادى، سونىڭ سالدارىنان جۇرەكتىڭ يشەميالىق اۋرۋىنىڭ كلينيكاسى ۇلعايدى.
سونىمەن بىرگە ينفاركت پەن جۇرەك قىزمەتىنىڭ توقتاپ قالۋ ءقاۋپى بولدى. ناۋقاس شۇعىل وتاعا دايىن بولعاندىقتان، از ءينۆازيۆتى ادىسپەن وپەراسيا جاساۋ تۋرالى شەشىم قابىلداندى.
دارىگەرلەردىڭ الدىندا كۇردەلى مىندەت تۇردى، وتە ۇقىپتى جۇمىس ىستەۋ كەرەك ەدى. ويتكەنى، سول جاق كورونارلىق ارتەريا ءدىڭىنىڭ ديسسەكسياسى جانە تۇراقسىز تۇيىنشىكتەر بولدى. وتا كەزىندە تارىلعان ايماق ارقىلى ميكروكاتەتەر مەن كورونارلىق وتكىزگىش قولدانىلدى. بۇل ءادىس قان اعىمىن توقتاتپاۋ ءۇشىن قولدانىلادى. ءبىر وتكىزگىش الدىڭعى قارىنشاارالىق ارتەرياعا، ەكىنشى وتكىزگىش – اينالمالى ارتەرياعا وتكىزىلدى جانە باياۋ باللونداۋ - كەڭەيتۋ جۇرگىزىلەدى.
«ستەنت – بۇل مەتالل، بوگدە زات بولعاندىقتان، ورگانيزم ونى قابىلداماۋعا تىرىسادى، سوندىقتان ستەنت ارنايى زاتپەن - قابىلداماۋدى تەجەيتىن دارىلەۋ قۇرالىمەن جابىلادى. پروسەستىڭ ءبىرقالىپتى ءوتۋى ءۇشىن قان سۇيىق بولۋى كەرەك. سوندىقتان بارلىق ستەنتتەلگەن پاسيەنتكە انتياگرەگانتتى تەراپيا قابىلداۋ كەرەك. ساكەن مۋراس ۇلىنىڭ باسشىلىعىمەن ءبىز ت-ستەنتتەۋ تەحنيكاسىن پايدالانا وتىرىپ، بيفرۋكسيالىق ستەنتتەۋدى، كيسسينگتىك باللونداۋدى ءساتتى ورىندادىق»، - دەدى ينتەرۆەنسيالىق حيرۋرگ دانيار قارالييەۆ.
№7 قكا دارىگەرلەرى شۇعىل حيرۋرگيالىق ارالاسۋ – كورونارلىق ارتەريالاردى ستەنتتەۋ ارقىلى ناۋقاستى اۋىر جاعدايدان شىعارىپ، ونىڭ ءومىرىن ساقتاپ قالدى.
«ناۋقاس كومەككە ۋاقىتىندا جۇگىندى، بۇل ونىڭ ءومىرىن ساقتاپ قالدى. اۋىرسىنۋ بەلگىلەرىن ەلەمەي جۇرە بەرۋگە بولمايدى، ءسىزدى دە قۇتقارۋعا بولادى. جىلىنا ءبىر رەت جۇرەكتى تەكسەرۋدەن وتكىزىڭىز: ەكگ، ەحوكگ، كارديولوگپەن كەڭەسىڭىز. مۇنداي جاعدايلاردا ءاربىر سەكۋند قىمبات! ۋاقىتىندا قارالىڭىز» ، - دەدى دارىگەرلەر.