«الماتى جىلۋ جەلىلەرى» ءجشس-نىڭ اپاتتىق بريگاداسى 1984 جىلى پايدالانۋعا بەرىلگەن دۋ-800 قۇبىرىنداعى اقاۋدى جويۋ جونىندەگى جۇمىستى اياقتادى، دەپ حابارلايدى aqshamnews.kz.
«الماتى جىلۋ جەلىلەرى» ج ش س حابارلاۋىنشا، ساتبايەۆ – دوستىق – تايمانوۆ كوشەلەرى اۋماعى جانە سامال-1، سامال-2، سامال-3 شاعىن اۋداندارىندا بولعان جىلۋ جەلىلەرىندەگى اپات سالدارىنان جىلۋ مەن ىستىق سۋ وشىرىلگەن تۇرعىن ۇيلەر مەن باسقا دا نىساندارعا 2024 جىلعى 24 جەلتوقساندا ساعات 06:00-دەن باستاپ جىلۋ كەزەڭ-كەزەڭىمەن بەرىلىپ، جۇيە جۇمىس پارامەترىنە شىعارىلادى.
جىلۋ بەرۋ جۇيەسى ىسكە قوسىلعاننان كەيىن باسقارۋشى كومپانيالار – پيك، ميب جانە عيماراتتارعا تەحنيكالىق قىزمەت كورسەتۋشى ۇيىمدارعا ىشكى جەلىلەردىڭ جاي-كۇيىن تەكسەرۋ قاجەت.
ەسكە سالامىز، قانداي دا ءبىر توتەنشە جاعداي تۋىنداسا (سۋ تاسۋى، بۋ شىعۋى جانە ت.ب.)، ءوز بەتىنشە ارەكەت جاساماي، كەلەسى نومىرلەرگە حابارلاسۋلارىڭىزدى سۇرايمىز:
+7 (727) 378-06-65 (تاۋلىك بويى)،
+7 (727) 341-07-77 (08:00-دەن 18:00-گە دەيىن) نەمەسە 109.