حالىقتىڭ دەنساۋلىعىن جاقسارتۋ ىسىندەگى جەتەكشى ءرول ەلدىڭ بارلىق حالقىن مەديسينالىق قىزمەتتەرمەن قامتيتىن مەديسينالىق-سانيتاريالىق العاشقى كومەك قىزمەتىندە قالادى جانە باستى نازار اۋىل تۇرعىندارى ءۇشىن مەديسينالىق كومەكتىڭ قولجەتىمدىلىگىنە قاراي كۇشەيتىلەدى.
باستاپقى بۋىن ۇيىمدارىنىڭ جەلىسىن 3،7%-عا كەڭەيتۋدىڭ ەسەبىنەن ەلىمىزدەگى امبۋلاتوريالىق-ەمحانالىق ۇيىمداردىڭ جالپى سانى 3 324ء-تى قۇرايدى، مساك قىزمەتتەرىمەن قامتۋ وسۋدە، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنە سىلتەمە جاساپ.
2023 جىلى وتكەن جىلمەن سالىستىرعاندا مساك ۇيىمدارىنا بارۋ سانى 8،1%-عا، پاسيەنتتەردىڭ جۇگىنۋى 118،8 ملن-نان 128،4 ملن-عا دەيىن ۇلعايدى، بۇل باستاپقى دەڭگەيدە قىزمەتتەردىڭ قولجەتىمدىلىگىن جاقسارتۋدىڭ تۇراقتى ءۇردىسىن كورسەتەدى.
وتكەن جىلى امبۋلاتوريالىق دەڭگەيدە پاسيەنتتەر 324 ملن كونسۋلتاسيالىق-دياگنوستيكالىق قىزمەت الدى نەمەسە بۇل 1 تۇرعىنعا شاققاندا 16-دان استام قىزمەت. بۇل رەتتە 1 ميلليوننان استام ادام قىمبات دياگنوستيكالىق قىزمەتتەرمەن (كت/مرت) قامتىلدى.
باستاپقى دەڭگەيدە سكرينينگتىك تەكسەرۋلەرمەن 2،8 ملن. ەرەسەك حالىق قامتاماسىز ەتىلدى، 388 مىڭ ادامدا اۋرۋ انىقتالدى، 220 مىڭ ادام ديسپانسەرلىك ەسەپكە الىندى.
سونىمەن قاتار، 2023 جىلى اۋىل تۇرعىندارى ءۇشىن كەڭەيتىلگەن سكرينينگ ەنگىزىلگەنىن اتاپ وتكەن ءجون، ونىڭ شەڭبەرىندە بۇيرەك، اسقازان-ىشەك جولدارى، تىنىس الۋ اعزالارى، قۋىقاستى بەزى وبىرى اۋرۋلارىن ەرتە انىقتاۋ جۇزەگە اسىرىلادى.
پروفيلاكتيكالىق تەكسەرۋ ناتيجەسىندە 2،6 ملن. اۋىل تۇرعىنى، 62 مىڭ ناۋقاس انىقتالدى.
جىلجىمالى مەديسينالىق كەشەندەردىڭ قىزمەتتەرىن 1،7 ملن. اۋىل تۇرعىندارى پايدالاندى، ولار 1،4 ملن.دارىگەرلىك كونسۋلتاسيالار الدى.
قاشىقتىقتان كورسەتىلەتىن مەديسينالىق قىزمەتتەردىڭ سانى 3 ەسە، 2022 جىلعى 582 مىڭنان 2023 جىلى 1،6 ملن-عا دەيىن ۇلعايدى، بۇل رەتتە تەلەمەديسينالىق قىزمەتتەر تىزبەسىنىڭ ءوزى ودان ءارى 13-تەن 69-عا دەيىن ۇلعايتىلاتىن بولادى.
مساك ۇزدىك پراكتيكالار ورتالىقتارىن اشۋ بويىنشا جۇمىستى جالعاستىرۋ جوسپارلانۋدا، ونىڭ نەگىزىندە وزىق تەحنولوگيالار ەنگىزىلۋدە، جەرگىلىكتى قوعامداستىقتاردىڭ دەنساۋلىق ساقتاۋ قۇرىلىمدارىمەن ارىپتەستىگى دامۋدا، ۇزاق ءومىر ءسۇرۋ مەكتەپتەرى، ەرلەر دەنساۋلىعى كابينەتتەرى، سوزىلمالى اۋرۋلاردىڭ پروفيلاكتيكاسى مەكتەپتەرى اشىلۋدا. بۇگىنگى تاڭدا 20 ۇزدىك پراكتيكا ورتالىعى اشىلدى، كەلەسى جىلى وسىنداي 27 ءۇپو اشۋ جوسپارلانۋدا.
وڭىرلەردە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسىنىڭ شەڭبەرىندە اۋىلداعى 570 مساك وبەكتىسىنىڭ قۇرىلىسى جالعاسۋدا. ونىڭ ىشىندە وتكەن جىلى 80 مەديسينالىق وبەكتى جوندەلدى، 85 مساك وبەكتىسى سالىندى، 99 وبەكتى بەلسەندى سالىنۋدا. سونىمەن قاتار، ۇلتتىق جوبانىڭ شەڭبەرىندە 32 كاوا جاڭعىرتۋ جانە تەحنيكالىق جاراقتاندىرۋ ءجۇرىپ جاتىر، ونىڭ قۇرامىندا ينسۋلت، كارديولوگيالىق ورتالىقتار، وڭالتۋ، حيرۋرگيا، رقتب جۇمىس ىستەيتىن بولادى، ولاردى كادرلارمەن قامتاماسىز ەتۋ ءۇشىن ەلىمىزدىڭ مەديسينالىق جوعارى وقۋ ورىندارىندا 2 843 بەيىندى دارىگەر دايارلانادى.