مۇنداي قىزمەتتەر شالعاي اۋىلدىق ەلدى مەكەندەرگە دە قولجەتىمدى بولادى.
ەلدە جىلجىمالى جۇمىسپەن قامتۋ ورتالىقتارى اشىلادى، دەپ حابارلايدى Almaty-akshamy.kz
«حابار 24» سايتىنىڭ حابارلاۋىنشا، جىل باسىنان بەرى ەلەكتروندى ەڭبەك بيرجاسىندا 68 مىڭ ادام جۇمىسسىز رەتىندە تىركەلگەن. ونىڭ 18 مىڭعا جۋىعى مەملەكەت سۋبسيديالايتىن جۇمىسقا ورنالاستى.
بۇل تۋرالى اقپارات بەرگەن «ەڭبەك رەسۋرستارىن دامىتۋ ورتالىعى» پرەزيدەنتى داۋلەت ارعىندىقوۆتىڭ ايتۋىنشا، ەلەكتروندىق ەڭبەك بيرجاسىندا قىزمەتتەر تىزبەسى كەڭەيتىلمەك. ونىڭ نەگىزىندە تۇرعىندار «العاشقى جۇمىس ورنى» جانە «ەڭبەك» – «ۇرپاقتار كەلىسىمشارتى» مەملەكەتتىك باعدارلاما بويىنشا جۇمىس ورىندارىنا جولدامانى ەلەكتروندىق فورماتتا الا الادى. ال بىلىكتىلىگى تومەن 110 مىڭنان اسا ازامات قوعامدىق جۇمىستارعا تارتىلدى. 16 مىڭ ادام الەۋمەتتىك جۇمىس ورىندارىنا ورنالاستىرىلدى. جۇمىسسىز قالعان 30 مىڭنان استام ادامعا تولەم تاعايىندالدى.