الماتىدا مەملەكەتتىك جانە ايماقتىق نەسيەلەۋ باعدارلامالارىن جۇزەگە اسىرۋ شەڭبەرىندە ءبىر جىلعا مەجەلەنگەن 3440 ادامنىڭ ورنىنا 3688 جاڭا جۇمىس ورنى (107،2%) اشىلدى. بۇل – جىل قورىتىندىسى ءۇشىن ۇلكەن جەتىستىك.
2021 جىلعا ارنالعان نەسيەلەۋ باعدارلامالارىنىڭ بيۋدجەتى 47،3 ملرد. تەڭگە. بۇل وتكەن جىلمەن سالىستىرعاندا 49%-عا ارتىق (2020 ج. – 31،8 ملرد. تەڭگە.)، ونىڭ ىشىندە جەرگىلىكتى بيۋدجەت قاراجاتى – 28،9 ملرد. تەڭگە، رەسپۋبليكالىق بيۋدجەت قاراجاتى 18،4 ملرد. تەڭگەنى قۇرادى. بيۋدجەتتىڭ 58%-ى سۋبسيديالاۋ جانە كەپىلدىك بەرۋ قۇرالدارىنا، ال 42%-ى نەسيە بەرۋگە تۋرا كەلدى. بيزنەستى قولداۋدىڭ مەملەكەتتىك جانە وڭىرلىك باعدارلامالارى اياسىندا جالپى نەسيە سوماسى 278،4 ملرد. تەڭگەنى قۇرايتىن 3 212 جوبا قارجىلاندىرىلدى.
«جالپى، قالا بيزنەسى مەملەكەتتىك قولداۋدىڭ بارلىق شاراسىن بەلسەندى قولدانادى. ماسەلەن، ەگەر 2018-2019 جىلدارى نەگىزىنەن ءىرى جانە ورتا كاسىپورىندار قارجىلاندىرىلعان بولسا، ەندى وتكەن جىلدان باستاپ بجك-نىڭ ميكرو جانە شاعىن بيزنەستى قولداۋ، سونداي-اق باعدارلامالارعا وزگەرىستەر ەنگىزۋ بويىنشا ءبىرىنشى باعىتىن ەنگىزۋدىڭ ارقاسىندا ميكرو جانە شاعىن بيزنەستى قارجىلاندىرۋ بويىنشا بەلسەندى ءوسىم بايقالادى. ساناتتار بويىنشا بيىل بارلىق جوبانىڭ جارتىسىنان استامىن شاعىن بيزنەس قۇرايدى (56%). سالالار بولىنىسىندە نەگىزگى ۇلەس ونەركاسىپكە (35%) جانە كولىككە (13،1%) تيەسىلى. اۋداندار بويىنشا قارجىلاندىرىلعان جوبالاردىڭ ەڭ كوبى مەگاپوليستىڭ اۋەزوۆ (17%)، المالى (16،7%)، بوستاندىق (14،5%) جانە الاتاۋ (14،2%) اۋداندارىندا تىركەلدى»، – دەدى الماتى قالاسى اكىمىنىڭ ورىنباسارى ماقسات قيقىموۆ.
«بجك– 2025» باعدارلاماسىنا بيىل 184،6 ملرد. تەڭگە نەسيە سوماسىنا 2 815 جوبا قارجىلاندىرىلدى، يگەرىلۋى 100%-دى قۇرايدى. ونىڭ ىشىندە 231 جوباعا بولىنگەن قايتارىمسىز يننوۆاسيالىق گرانتتىڭ جالپى سوماسى 690 ملن. تەڭگە. «بجك – 2025» بويىنشا جوبالاردىڭ ەڭ كوپ سانى كەلەسى سالالاردا قارجىلاندىرىلدى: كولىك جانە قويمالاۋ – 19،1%، ساۋدا جانە قىزمەتتەر – 18،9%، ال ونەركاسىپ – 14،3%.
مەملەكەتتىك باعدارلامالار اياسىندا: «قاراپايىم زاتتار ەكونوميكاسى» – 41،7 ملرد. تەڭگە نەسيە سوماسىنا 28 جوبا، «اوك» – 36،2 ملرد. تەڭگە سوماسىنا 15 جوبا، «ەڭبەك» – 1،5 ملرد. تەڭگەگە 102 جوبا قارجىلاندىرىلدى. وڭىرلىك باعدارلامالار اياسىندا: «Almaty Business» بويىنشا – 8،9 ملرد. تەڭگەگە 119 جوبا، «Almaty Business – 2025» بويىنشا 5،5 ملرد. تەڭگەگە 133 جوبا قارجىلاندىرىلعان.
قالا شەتىندە وركەندەپ كەلە جاتقان بيزنەستى قولداۋ دا ماڭىزدى باعىتتاردىڭ ءبىرى بولىپ تابىلادى. باعدارلاما ىسكەرلىك بەلسەندىلىگى تومەن اۋدانداردا كەڭىرەك تانىلا باستادى، وعان قالانىڭ 5 اۋدانى (الاتاۋ، اۋەزوۆ، جەتىسۋ، ناۋرىزباي، تۇركسىب) كىرەدى. بۇگىندە اتالعان اۋدانداردا 3،3 ملرد. تەڭگەدەن استام سوماعا 74 جوبا قارجىلاندىرىلعان.