مەگاپوليس اكىمى باقىتجان ساعىنتايەۆ الماتىدا تۇراتىن جازۋشىلار وداعىنىڭ 136 مۇشەسىنىڭ، سونىڭ ىشىندە تاۋەلسىزدىكتىڭ 30 قۇرداسىنىڭ كىتاپتارىنىڭ تۇساۋكەسەرىنە قاتىستى
قالام شەبەرلەرى مەن جاس جازۋشىلاردىڭ ەڭبەكتەرىن باسىپ شىعارۋ شىعارماشىل زيالى قاۋىمدى قولداۋ اياسىندا قازاق ادەبيەتىنىڭ دامۋىنا قوسىلعان ەرەكشە ۇلەس بولىپ تابىلادى، دەپ حابارلايدى Almaty-akshamy.kz
قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋ اياسىندا الماتىدا تۇراتىن 136 اۆتوردىڭ، جازۋشىلار وداعى مۇشەلەرىنىڭ كىتاپتارى باسىپ شىعارىلدى. جازۋشىلاردىڭ، سونىڭ ىشىندە تاۋەلسىزدىكتىڭ 30 قۇرداسىنىڭ ادەبي شىعارمالارى 102 مىڭ دانامەن جارىق كوردى.
قالا اكىمى باقىتجان ساعىنتايەۆ جازۋشىلاردى كەزەكتى باسىلىممەن قۇتتىقتاپ، ولاردىڭ تاۋەلسىزدىكتىڭ قالىپتاسۋ تاريحىن ۇعىنۋداعى جانە وسكەلەڭ ۇرپاقتى تاربيەلەۋدەگى ماڭىزدى ءرولىن اتاپ ءوتتى.
2020 جىلى قازاق ادەبيەتىندە ەرەكشە ورىن الاتىن 30 اۆتوردىڭ شىعارمالارى جارىق كوردى. 64 مىڭ دانا تارالىممەن جارىق كورگەن بۇل ەڭبەكتەردىڭ ىشىندە ءانۋار ءالىمجانوۆ، قابدەش ءجۇمادىلوۆ، قاجىتاي ءىلياسوۆ، جاركەن بودەش سىندى كلاسسيكتەردىڭ كىتاپتارى دا بار.
الماتى اكىمدىگىنىڭ قولداۋىمەن جارىق كورگەن بارلىق كىتاپتار قالالىق كىتاپحانالاردىڭ قورىن تولىقتىرادى.
ءىس-شارا بارىسىندا قازاق اقىن-كلاسسيكتەرىنىڭ 24 كىتاپ-البومىنىڭ تۇساۋكەسەرى ءوتتى.