ءوتىنىم قابىلداۋ 2022 جىلدىڭ 1 قازانىندا باستالىپ، 20 قازانعا دەيىن جالعاسادى.
اقپارات جانە قوعامدىق دامۋ مينيسترلىگى «جىل ۆولونتەرى» حالىقارالىق سىيلىعىن الۋعا بايقاۋ باستالعانىن ءمالىم ەتتى، دەپ حابارلايدى Almaty-akshamy.kz Elorda.info cايتىنا سىلتەمە جاساپ.
بۇل جوبا مەملەكەت باسشىسىنىڭ يدەياسىمەن 2020 جىلى ومىرگە كەلگەن ەدى.
سىيلىق ۆولونتەرلىك قوزعالىستى دامىتۋعا جانە قولداۋعا، سونداي-اق، الەۋمەتتىك جانە قوعامدىق پايدالى مىندەتتەردى شەشۋگە ەلەۋلى ۇلەس قوسقان وتاندىق جانە حالىقارالىق ۆولونتەرلەر مەن ۆولونتەرلىك توپتاردى، ۆولونتەرلىك ۇيىمداردى كوتەرمەلەۋگە جانە ىنتالاندىرۋعا باعىتتالعان.
كونكۋرسقا قاتىسۋ ءۇشىن qazvolunteer.kz ينتەرنەت-پلاتفورماسىندا ۆولونتەرلىك قىزمەت بويىنشا ءوتىنىم بەرىپ، قوسىمشا دەرەكتەردى تولتىرۋ قاجەت.
ءوتىنىم قابىلداۋ 2022 جىلدىڭ 1 قازانىندا باستالىپ، 20 قازانعا دەيىن جالعاسادى.
بايقاۋ ەكى كەزەڭدە وتەدى:
ءبىرىنشى كەزەڭ – qazvolunteer.kz ينتەرنەت-پلاتفورماسىندا اشىق ونلاين-داۋىس بەرۋ؛
ەكىنشى كەزەڭ – ءار نوميناسيا بويىنشا جوعارى داۋىس جيناعان 10 ۇمىتكەردى كونكۋرستىق كوميسسيانىڭ باعالاۋى.
ناتيجەسىندە تومەندە كورسەتىلگەن نوميناسيالاردىڭ ءارقايسىسى بويىنشا ءۇش ۇمىتكەر جەڭىمپاز دەپ تانىلادى:
- «ۇزدىك ۆولونتەرلىك ۇيىم»؛
- «كورپوراتيۆتىك ۆولونتەرلىك كوشباسشىسى»؛
- «تۇراقتى دامۋ ماقساتتارىنىڭ كوشباسشىلارى»؛
- «ۇزدىك الەۋمەتتىك كومەكشى»؛
- «توتەنشە جاعدايلاردى جويۋعا بەلسەندى قاتىسقانى ءۇشىن»؛
- «حابار-وشارسىز كەتكەن ادامداردى ىزدەۋگە بەلسەندى قاتىسقانى ءۇشىن»؛
- «قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن»؛
- «دەنساۋلىق ساقتاۋدى دامىتۋعا بەلسەندى قاتىسقانى ءۇشىن»؛
- «سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن»؛
- «ءبىلىمدى دارىپتەۋگە قوسقان ۇلەسى ءۇشىن»؛
- «قورشاعان ورتانى ساقتاۋعا جانە قورعاۋعا قوسقان ۇلەسى ءۇشىن»؛
- «بەيبىتشىلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن»؛
- «تاريحي-مادەني مۇرانى ساقتاۋعا جانە دامىتۋعا قوسقان ۇلەسى ءۇشىن»؛
- «زوولوگيالىق قورعاۋ ماسەلەلەرىن شەشۋگە قوسقان ۇلەسى ءۇشىن»؛
- «الەۋمەتتىك مىندەتتەردى شەشۋگە قوسقان ۇلەسى ءۇشىن».
جەڭىمپازدار 5 جەلتوقساندا حالىقارالىق ءۆولونتور كۇنىن مەرەكەلەۋگە ارنالعان سالتاناتتى جيىندا ماراپاتتالادى.
قوسىمشا سۇراقتار بويىنشا اقدم ازاماتتىق قوعام ىستەرى كوميتەتى قايىرىمدىلىق جانە ۆولونتەرلىك ماسەلەلەرى جونىندەگى باسقارماسىنىڭ ماماندارىنا 87172 741286 جانە 87172 741074 نومەرلەرى ارقىلى حابارلاسۋعا بولادى.