شاھارىمىزدىڭ ۇزدىكتەرى «جىل تاڭداۋى №1»، «التىن ادام – جىل ادامى» جانە «قوعام تاڭداۋى» ايدارلارى بويىنشا ماراپاتتالدى. ماراپاتقا قوعامنىڭ ءارتۇرلى سالاسىنداعى قايماقتارى تاڭدالدى. «Alatau aqparat» مەدياحولدينگىنە قاراستى «ۆەچەرنيي الماتى» گازەتى، «قوعام تاڭداۋى» نوميناسياسىمەن ماراپاتتالدى.
سالتاناتتى ءىس شارادا «جىل سپورتشىسى»، «جىل دارىگەرى»، « ۇلتتىق سپورت تۇرلەرىن دامىتۋعا ۇلەس قوسقانى ءۇشىن»، «جىل قۇتقارۋشىسى» جانە «جىل عالىمى» نوميناسياسى بويىنشا جىل ۇزدىكتەرى ماراپاتتالدى. ءىس شاراعا قاتىسۋشىلار قوعامعا سىڭىرگەن ەڭبەكتەرى ءۇشىن باعالاندى.
قوعامدا بولىپ جاتقان شىنايى اقپاراتپەن بولىسەتىن، ساياسي-ەكونوميكالىق ماڭىزى بار «ۆەچەرنىي الماتى» گازەتىنىڭ ورنى ەرەكشە. وسى ورايدا قوعامنىڭ كوڭىلىنەن شىعىپ، ۇزدىك گازەت «قوعام تاڭداۋى» نوميناسياسىمەن ماراپاتتالدى. وسى ورايدا Alatau aqparat مەدياحولدينگىنىڭ ديرەكتورى ەرجان قالىمباي ۇلى ءوز ويىمەن ءبولىستى.
بۇگىن وتە ەرەكشە كۇن. ەلىمىزدىڭ ءار سالاسىنداعى ۇزدىكتەرىنىڭ باعالانىپ، ەسكەرىلۋى ادىلەتتىلىك دەپ سانايمىن. بۇنداي ماراپاتتار بولاشاق ماماندار ءۇشىن وتە ماڭىزدى. ۇزدىك بولۋعا ۇمتىلۋ جاستارعا ەرەكشە سەرپىن بەرەدى. ءوز سالاسىنىڭ بىلىكتى مامانى بولۋىعا يتەرمەلەيتىن بولادى. ۆەچەرنيي الماتى گازەتىنىڭ جوعارى ماراپاتقا يە بولۋى ءبىز ءۇشىن ۇلكەن مارتەبە،- دەدى ەرجان قالىمباي ۇلى.
دەنساۋلىق ساقتاۋ سالاسىنا ءوز ۇلەسىن قوسقانى ءۇشىن اسفەندياروۆ اتىنداعى قازۇمۋ دوسەنتى، دارىگەر ەركىنبەك يسمايلوۆ «جىل دارىگەرى» نوميناسياسى بويىنشا ماراپاتتالدى.
بۇگىن مەن ءۇشىن كۇتپەگەن جاعداي ورىن الىپ وتىر. بۇرىن سوڭدى «التىن ادام» نوميناسياسىن جەڭىمپاز اتانامىن دەپ ويلاماپپىن. بۇل مەنىڭ عانا جەتىستىگىم ەمەس. مەنىمەن بىرگە بولعان، قولداۋ كورسەتكەن ادامداردىڭ دا جەتىستىگى. بارلىق ۇستازدارىما، ارىپتەستەرىمە جانە بارلىق جانىمداعى جاندارعا العىسىمدى بىلدىرگىم كەلەدى،- دەدى ە.يسمايلوۆ.