تابيعي اپاتتان كەيىن باسپانا بۇلىنسە كومپانيا شىعىندى تولىق وتەپ بەرەدى.
زاڭگەرلەر تابيعي اپاتتان كەيىن مۇلىككە زاقىم كەلسە سوت ارقىلى قۇرىلىس كومپانياسىنان اقشا ءوندىرىپ الۋعا بولاتىنىن ايتتى، دەپ حابارلايدى اlmaty-akshamy.kz.
31 ارنانىڭ ينفورمبيۋرو اقپاراتتىق باعدارلاماسى.جولداعان ساۋالعا جاۋاپ بەرگەن زاڭگەردىڭ ايتۋىنشا، ەگەر ازامات ارنايى ساراپتاما جاساۋ ارقىلى كەلتىرىلگەن شىعىن ونىڭ عيماراتىنا ساپاسىز قۇرىلىستىڭ سالدارىنان بولعانىن دالەلدەسە، ول سوتقا جۇگىنۋ ارقىلى ءوزىنىڭ شىعىنىن تولىق وتەپ الۋعا قۇقىسى بار.
"جالپى قالىپتاسقان زاڭعا سايكەس، وسىنداي ءزىلزالالاردان بولعان زياندى مەملەكەت ءوز ەركىمەن تولەۋى ءتيىس"، – دەدى زاڭگەر ايىپقان مۇحامادييەۆ.
جەر سىلكىنىسىنەن كەيىن جىلجىمايتىن مۇلكىن ساقتاندىرۋعا كوشكەن قازاقستاندىقتار بار. ماماندار مۇلىكتى ساقتاندىرۋ قىزمەتى الماتىدا الدەقايدا جوعارى سۇرانىسقا يە ەكەنىن اتاپ ءوتتى. باسقا وڭىرلەردە ادامدار ءۇيىن ساقتاندىرۋعا اسىقپايدى.
"ليسەنزياسى بار ءتيىستى تاۋەلسىز ساراپشىنىڭ زيان مولشەرىن انىقتاعان سوڭ ساقتاندىرۋ كومپانياسى 15 كۇن ىشىندە ساقتاندىرۋ تولەمىن جۇزەگە اسىرۋعا مىندەتتى. ول جەر سىلكىنىسى، تابيعي اپاتتار، ءورت جانە تاعى دا باسقا وقىس وقيعالاردى قامتيدى. ساقتاندىرۋ اقىسى، ياعني پاتەرلەر مەن تۇرعىن ۇيلەردىڭ وزىندىك قۇنىنان 0،1 پايىزىنان باستالادى. مىسال كەلتىرەتىن بولساق، 25 ميلليون دەپ الاتىن بولساق، ءبىر جىلعا ساقتاندىرۋ سىياقىسى 25 مىڭ تەڭگەنى قۇرايتىن بولادى"، – دەدى ساقتاندىرۋ كومپانياسىنىڭ قىزمەتكەرى اقسۇلتان ايمۇرزا.
سەيسمولوگيالىق باقىلاۋلار مەن زەرتتەۋلەر ۇلتتىق عىلىمي ورتالىعىنىڭ ديرەكتورى داۋلەت سارسەنبايەۆ جەر سىلكىنىسىنەن كەيىن زارداپ شەككەن تۇرعىن ۇيلەر مەن نىسانداردىڭ بارلىعى تەكسەرىلىپ جاتقانىن حابارلادى.