بىرىككەننەن كەيىن، ءبىرتۇتاس كومپانيا «قازاۆتوجول» ۇك» اق دەپ اتالاتىن بولادى.
«قازاۆتوجول» ۇك» اق جانە «قازاقاۆتوجول» ج ش س بىرىكتىرۋگە قاتىستى قاۋلى جوباسى ازىرلەندى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى باسپا ءسوز قىزمەتىنەن مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستان ۇكىمەتىنىڭ 2022 جىلعى 14 شىلدەدەگى كەڭەيتىلگەن وتىرىسىنىڭ قورىتىندىسى بويىنشا مەملەكەت باسشىسىنىڭ تاپسىرماسىن ورىنداۋ ماقساتىندا ءتيىس ءىس-شارالار اتقارىلدى. مينيسترلىك «قازاۆتوجول» ۇك» اق جانە «قازاقاۆتوجول» ج ش س بىرىكتىرۋ ءۇشىن «رەسپۋبليكالىق مەنشىكتىڭ كەيبىر ماسەلەلەرى تۋرالى» قاۋلى جوباسىن ازىرلەدى. بۇل قۇجات جوباسى بيىل تامىز ايىندا پرەمەر-مينيستردىڭ كەڭسەسىنە ەنگىزىلەدى. جوعارىدا اتالعان مەكەمەلەردى بىرىكتىرۋ پروسەسىن وسى جىلدىڭ سوڭىنا دەيىن اياقتاۋ جوسپارلانىپ وتىر»، - دەلىنگەن مينيسترلىكتىڭ جازباسىندا.
ۆەدومستۆو مالەمەتىنشە، بىرىككەننەن كەيىن، ءبىرتۇتاس كومپانيا «قازاۆتوجول» ۇك» اق دەپ اتالاتىن بولادى.
«بۇل ءىس-قيمىل جولداردى كۇتىپ ۇستاۋ بويىنشا بارلىق جۇمىس بارىسىن تولىق باقىلاۋعا الۋعا مۇمكىندىك بەرەدى. سونىمەن قاتار، اۆتوموبيل جولدارىن پايدالانۋشىلاردىڭ ساۋالدارى مەن شاعىمدارىنا جەدەل ءارى ۋاقىتىلى دەن قويۋدى قامتاماسىز ەتەدى، سونداي-اق توتەنشە جاعدايلار بولعان جاعدايدا مەملەكەتتىڭ جۇمىلدىرۋ دايىندىعى دەڭگەيىن ارتتىرادى»، - دەپ اتالىپ وتكەن مينيسترلىك حابارلاماسىندا.
بۇدان بۇرىن حابارلانعانداي، مەلەكەت باسشىسى «قازاۆتوجول» جانە «قازاقاۆتوجولدى» بىرىكتىرىپ، قازاقستاننىڭ ءبىرتۇتاس اۆتوجول كومپانياسىن قۇرۋدى تاپسىردى.