جارلىققا قول قويدى
مەملەكەت باسشىسىنىڭ تاپسىرماسىمەن پايدالانىلماي جاتقان جانە زاڭنامانى بۇزىپ بەرىلگەن جەرلەردى الىپ قويۋ بويىنشا جۇمىس كوميسسياسى قۇرىلدى، دەپ حابارلايدى Almaty-akshamy.kz.
اۋىل شارۋاشىلىعى مينيسترلىگىنىڭ مالىمەتىنشە، ۆەدومستۆونىڭ مىندەتى - جىل سوڭىنا دەيىن مەملەكەتكە كەمىندە 5 ميلليون گەكتار يگەرىلمەي جاتقان جەرلەردى قايتارۋ.
«2022 جىلعى 9 تامىزدا پرەزيدەنت جەر ماسەلەلەرى بويىنشا تەكسەرۋلەر جۇرگىزۋگە ءموراتورييدىڭ كۇشىن جويۋدى كوزدەيتىن جارلىققا قول قويدى.
اشم جەر رەسۋرستارىن باسقارۋ كوميتەتىنىڭ اۋماقتىق بولىمشەلەرى 7،45 ملن گەكتار الاڭدا 2584 سۋبەكتىگە قاتىستى تەكسەرۋ جوسپارلادى، ونىڭ ىشىندە ەگىستىك – 585،2 مىڭ گەكتار، جايىلىم 6،86 ملن گەكتاردى قۇرايدى»، - دەپ جازدى مينيسترلىك.
سونىمەن قاتار، شامامەن 3 ملن گەكتار الاڭدا جەردى پايدالانۋشىلارعا قاتىستى 900 جوسپاردان تىس تەكسەرۋ تىركەلدى، ناتيجەسىندە 1 ملن 329 مىڭ گەكتار بويىنشا جەر زاڭناماسىن بۇزۋشىلىقتاردى جويۋ تۋرالى 418 نۇسقاما ەنگىزىلدى.
«جىل باسىنان بەرى جەرگىلىكتى اتقارۋشى ورگاندارعا قاتىستى 103 جوسپاردان تىس تەكسەرۋ جۇرگىزىلدى. اكىمدىكتەردىڭ اۋىل شارۋاشىلىعى جەرلەرىن بەرۋ تۋرالى 118 شەشىمى زاڭسىز قابىلدانعانى انىقتالدى. بيىلدىققا 2 ملن 929 مىڭ گەكتار اۋىل شارۋاشىلىعى جەرى قايتارىلدى. ءقازىر مەملەكەتكە قايتارۋ بويىنشا سوڭعى راسىمدەر جۇرگىزىلىپ جاتىر، بۇل وتكەن جىلعى 430 مىڭ گەكتار قالپىنا كەلتىرىلگەن جەرلەرگە قاراعاندا 7 ەسە كوپ. بۇل باعىتتاعى جۇمىس قارقىندى جۇرگىزىلىپ جاتىر»، - دەلىنگەن ۆەدومستۆو حابارلاماسىندا.