سونداي-اق، جىلدا 19 مىڭنان استام ادام جول-كولىك وقيعالارى كەزىندە جاراقات الادى
Astana Hub-تا ق ر ىشكى ىستەر مينيسترلىگى مەن Sergek Group كومپانياسى ۇيىمداستىرعان «جول قاۋىپسىزدىگى سالاسىنداعى سيفرلاندىرۋ جانە جاڭا تەحنولوگيالار» فورۋمى ءوتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
وعان ىشكى ىستەر ءمينيسترىنىڭ ورىنباسارلارى يگور لەپەحا مەن ساكەن سارسەنوۆ، ءسدياوم وكىلدەرى، ءىىم اكىمشىلىك پوليسيا جانە اقپاراتتاندىرۋ قىزمەتتەرىنىڭ باسشىلىعى، سونداي-اق كولىك سالاسىنىڭ ۇيىمدارى مەن كاسىپورىندارى، IT-كومپانيالار جانە تەحنيكالىق IT-جوبالاردىڭ اۆتورلارى قاتىستى.
فورۋمنىڭ اشىلۋىندا ىشكى ىستەر ءمينيسترىنىڭ قىزمەت جونىندەگى ورىنباسارى يگور لەپەحا اتاپ وتكەندەي، جول قوزعالىسى قاۋىپسىزدىگىن قامتاماسىز ەتۋ جانە ونى ءتيىمدى ۇيىمداستىرۋ – قازاقستاندىقتاردىڭ ءال-اۋقاتىنىڭ، ولاردىڭ ءومىرىنىڭ جايلىلىعى مەن قاۋىپسىزدىگىنىڭ مىندەتتى شارتى.
«جول قاۋىپسىزدىگى ماسەلەلەرى وتە وزەكتى جانە جۇرتشىلىقتىڭ نازارىندا. بۇل جاعداي ەل باسشىلىعىن الاڭداتادى. جىل سايىن جولداردا 2،5 مىڭعا جۋىق ازاماتىمىز قازا تاۋىپ، 19 مىڭنان استام ادام جاراقات الادى. الايدا، ءقازىر پوليسيانىڭ جۇمىسى ونىڭ سالدارىن جويۋعا عانا باعىتتالعان. قولدانىستاعى تاسىلدەر مەن شەشىمدەر ەندى جەتكىلىكسىز. كولىك جۇرگىزۋ مادەنيەتىن ارتتىرۋدا جانە جولدارداعى بۇزۋشىلىقتاردى انىقتاۋدا سيفرلىق تەحنولوگيالاردى قولدانۋ وتە ماڭىزدى»، - دەدى ي. لەپەحا.