تىركەۋ ماڭىزدى نارسە
ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ەل حالقىنىڭ تۇرعىلىقتى جەرىنە تىركەلۋىنە قاتىستى مالىمەت بەردى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«ىشكى ىستەر مينيسترلىگى دەرەكتەر بازاسى بويىنشا بۇگىنگى تاڭدا ەلىمىزدە 13 ملن استام ادام تىركەلگەن. جىل سايىن تۇرعىلىقتى جەرى بويىنشا تىركەۋ جانە قايتا تىركەۋ ۇدەرىسىنەن شامامەن 2 ملن ادام وتەدى»، - دەدى م. قوجايەۆ ءماجىلىس دەپۋتاتتارىنىڭ ساۋالىنا بەرگەن جاۋابىندا.
ونىڭ ايتۋىنشا، ىشكى كوشى-قون پروسەسىنە ءتيىستى تالداۋ جۇرگىزىلدى. وسى ورايدا ىشكى كوشى-قوننىڭ ورنىقتى اعىنى نەعۇرلىم تارتىمدى وڭىرلەرگە قاراي باعىتتالىپ وتىر. ياعني، ادامدار كوبىنە استانا، الماتى جانە شىمكەنت قالالارىنا قونىس اۋدارىپ جاتىر.
كوشى-قون پروسەسىنە ەكونوميكالىق فاكتور اسەر ەتەدى. ادامدار جۇمىس، تۇرعىن ءۇي، جوعارى جانە تۇراقتى جالاقى، جاقسى ءومىر ءسۇرۋ جاعدايى ءۇشىن قونىس اۋدارادى. بۇعان اۋىلدارداعى الەۋمەتتىك-ەكونوميكالىق دامۋ دەڭگەيىنىڭ جاعدايى ىقپال ەتىپ وتىر.
«ىشكى كوشى-قون اياسىندا اۋىلدان قالاعا قاراي قونىس اۋدارۋ ۇدەرىسى ساقتالعان. بۇل تۇرعىدا اۋىلداردا تۇرعىندار ءۇشىن قولايلى الەۋمەتتىك جاعدايلاردىڭ جانە جۇمىستىڭ بولماۋى اسەر ەتەدى. وسى ورايدا كوشى-قون پروسەسى وڭىرلەردىڭ، اۋىلداردىڭ دامۋىنا، مەملەكەتتىك باعدارلامالاردى جەتىلدىرۋ تيىمدىلىگىنە تاۋەلدى»، - دەدى ءمينيستردىڭ ورىنباسارى.
ونىڭ سوزىنە قاراعاندا، ءىرى قالالاردىڭ ماڭىنداعى ەلدى مەكەندەردە تۇراتىن حالىقتىڭ ناقتى سانىن انىقتاۋ ماڭىزدى بولىپ تۇر. سەبەبى ولار قالادا تىركەلگەنىمەن، وسى تىركەلگەن ورنىندا تۇرمايدى.
قالالاردىڭ ماڭىنداعى اۋىلداردا تۇراتىن ادامدار مۇنداي قادامعا مەملەكەتتىك قىزمەتتەردى الۋ، تۇرعىن ءۇي كەزەگىنە تۇرۋ ءۇشىن بارىپ جاتادى.
بۇدان بۇرىن حابارلانعانداي، ءماجىلىس دەپۋتاتى ءمادي ەليۋبايەۆ ۇلكەن قالالارعا جاقىن ورنالاسقان اۋىلداردىڭ ماسەلەسىن كوتەرىپ، ق ر ىشكى ىستەر مينيسترلىگىنە ساۋال جولداعان ەدى.