قازاقستاندىقتار ءجيى ساقتاندىرىلاتىن بولعان
جىلدان جىلعا ەل ازاماتتارىنىڭ ساقتاندىرۋ كومپانيالارىنىڭ ونىمدەرىنە قىزىعۋشىلىعى ارتۋدا، دەپ حابارلايدى Almaty-akshamy.kz
مۇنداي كورسەتكىش نەگىزىنەن ساقتاندىرۋ سىياقىلارى كولەمىنىڭ ءوسۋى مەن ولاردى باعالى قاعازدارعا ينۆەستيسيالاۋ ەسەبىنەن ورىن الىپ وتىر. كوبى ءوز مۇلكىن عانا ەمەس، ءومىرىن دە قورعاۋعا تىرىسادى. مۇنداي كەلىسىمدەر 2 ەسە نەمەسە 59 ملرد تەڭگەگە ۇلعايدى.
جالپى قازاقستاندا 27 ۇيىم ۇسىنىلعان، ونىڭ ىشىندەگى 9 كومپانيا ءومىردى ساقتاندىرۋ بويىنشا تىركەلگەن. بۇل ۇيىمدار ءبىر جىلدا 19% ۇلعايىپ، 1،7 ترلن تەڭگەگە جەتتى. وسىلايشا ولاردىڭ اكتيۆتەرى ءوسىپ كەلەدى. مامانداردىڭ ايتۋىنشا، ىسكەرلىك بەلسەندىلىكتى قالپىنا كەلتىرۋ جانە شەكتەۋ شارالارىن جەڭىلدەتۋ ساقتاندىرۋ نارىعىنىڭ ءوسۋىن ودان ءارى ىنتالاندىراتىن بولادى.