الماتىدا قوقىس وڭدەيتىن زاۋىت سالىناتىن بولدى

بۇدان باسقا ەلىمىزدىڭ تاعى 5 قالاسىندا 2022 جىلدان باستاپ زاۋىت قۇرىلىسى باستالماق.

ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ۇكىمەت وتىرىسىندا قوقىس جاعاتىن زاۋىتتاردىڭ قۇرىلىسى تۋرالى ايتتى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ.

«قالدىقتارمەن جۇمىس ىستەۋ ماسەلەسىنە كوشەيىن. تۇزىلگەن قاتتى تۇرمىستىق قالدىقتار كولەمىن ايتارلىقتاي قىسقارتۋ ءۇشىن زاڭنامالىق دەڭگەيدە Waste to Energy تەتىگى ەنگىزىلدى. قوقىس جاعاتىن زاۋىتتار سالۋ ءۇشىن 6 قالا انىقتالدى. العاشقى اۋكسيوندىق ساۋدا-ساتتىق وتكىزىلدى. ينۆەستور انىقتالدى. قۇرىلىس جۇمىستارى كەلەسى جىلى باستالادى. جەكە ينۆەستيسيالار 292 ملرد تەڭگەنى قۇرايدى»، – دەدى مينيستر.

ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ مالىمەتىنشە، قوقىس تاستايتىن جەرلەردى جويۋ جانە وعان جول بەرمەۋ بويىنشا جۇمىستار جۇرگىزىلۋدە. بۇگىنگى تاڭدا 7،3 مىڭ پوليگوننىڭ 86%-ى (6،3 مىڭ) جويىلدى. رەيدتىك ءىس-شارالار جۇرگىزىلدى، 17 مىڭعا جۋىق قۇقىق بۇزۋشى جاۋاپكەرشىلىككە تارتىلدى. 2022 جىلدان باستاپ نۇر-سۇلتان، الماتى، شىمكەنت، وسكەمەن، اقتوبە جانە قاراعاندى قالالارىندا قوقىستى قايتا وڭدەۋ زاۋىتتارىن سالۋ جوبالارى ىسكە اسىرىلا باستايدى.