ىشكى ىستەر مينيسترلىگى ۇيىمداسقان قىلمىستىق توپتاردىڭ جولىن كەسۋ بويىنشا جۇمىستى جۇيەلى تۇردە جۇرگىزەدى.
جىل باسىنان بەرى قىلمىستىق قۇرىلىمداردىڭ كوشباسشىلارى مەن قاتىسۋشىلارىنا قاتىستى 25 قىلمىستىق ءىس، ونىڭ ىشىندە ترانسۇلتتىق سيپاتتاعى بەلگىلەرى بار ۇيىمداسقان قىلمىستىق توپتار بويىنشا ءتورت ءىس قوزعالدى، دەپ حابارلايدى aqshamnews.kz Polisia.kz-كە سىلتەمە جاساپ.
قىلمىستىق قوعامداستىق قۇرۋدىڭ ءبىر فاكتىسى انىقتالدى. سونداي-اق ءبىرىنشى رەت ترانسۇلتتىق قىلمىستىق قوعامداستىق قۇرۋ جانە وعان باسشىلىق ەتۋ بويىنشا سوتقا دەيىنگى تەرگەپ-تەكسەرۋ باستالدى. اتالعان ىستەر بويىنشا قىلمىستىق قۋدالاۋ وربيتاسىندا تەك قازاقستاندا عانا ەمەس، شەتەلدە دە اۋىر جانە اسا اۋىر قىلمىستار جاساعان كريميناليتەت وكىلدەرى بار.
– ۇلتتىق قاۋىپسىزدىك كوميتەتى، مەملەكەتتىك كۇزەت قىزمەتى جانە باس پروكۋراتۋرامەن بىرلەسىپ، مەملەكەتارالىق دەڭگەيدە دالەلدەمەلىك بازانى جيناۋ بويىنشا ءىس-شارالار كەشەنى جۇزەگە اسىرىلۋدا. بارلىعى 100-دەن استام ادام جاۋاپكەرشىلىككە تارتىلۋدا. بانديتيزمگە قارسى كۇرەس ءىىم-نىڭ ەرەكشە باقىلاۋىندا، – دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.