ق ر ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى باقىتجان ءامىرحانوۆ ەسىرتكىنىڭ ينتەرنەتتەگى ساۋداسىنا قارسى ءىس-شارالار تۋرالى ايتىپ بەردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ينتەرنەت-تەحنولوگيانىڭ دامۋىمەن بىرگە قىلمىستىق الەمنىڭ ادىستەرى دە وزگەرىپ كەلەدى. ەسىرتكى ساتۋشىلار زاڭسىز اينالىمعا كوپ ادامداردى تارتۋ ءۇشىن ينتەرنەت-رەسۋرستار ارقىلى بوس جۇمىس ورىندارى مەن جۇمىس ۇسىنىستارى تۋرالى حابارلاندىرۋ بەرەدى»، - دەدى باقىتجان ءامىرحانوۆ ق ر ءىىم ونلاين-بريفينگىندە.
سپيكەردىڭ ايتۋىنشا، ءىرى قىزمەتتەردىڭ بىرىندە 50-دەن استام جارناما جويىلدى، وندا ەسىرتكى بولىكتەرىن قالا ىشىندە تاسىمالداۋ ءۇشىن كۋرەرلىك جۇمىستار ۇسىنىلعان. «Telegram» سەرۆەرىنىڭ قازاقستاندىق اكىمشىسىمەن جۇرگىزىلگەن جۇمىس قورىتىندىسى بويىنشا ەسىرتكىنى جاسىرىن ساتۋمەن اينالىساتىن 440 چات انىقتالدى. جىل باسىنان بەرى «كيبەرقاداعالاۋ» اقپاراتتىق جۇيەسى ارقىلى ق ر اقپارات جانە قوعامدىق دامۋ مينيسترلىگىنە 440 ينتەرنەت-رەسۋرستىڭ مەكەنجايى انىقتالىپ، بۇعاتتاۋعا جىبەرىلدى.
«ىشكى ىستەر مينيسترلىگى ازاماتتاردى اسا مۇقيات بولۋعا شاقىرادى، جۇمىس سيپاتىن تەكسەرمەي، سايت اكىمشىسى، كۋرەر جۇمىسى تۋرالى ۇسىنىستاردى قابىلداماۋ كەرەك. الايدا، مۇنداي «جۇمىس بەرۋشىلەر» بىردەن جۇمىستىڭ زاڭدى ەمەس ەكەنىن ايتادى جانە جوعارى جالاقىمەن جانە كەز كەلگەن ۋاقىتتا بيزنەستەن شىعۋ مۇمكىندىگىمەن قىزىقتىرادى. كوپ جاعدايدا ءدال وسى ەسىركتى جاسىرۋشىلار مەن ناركوكۋرەرلەر پوليسياعا ۇستالادى، ولاردى سوت ۇزاق جىلدارعا باس بوستاندىعىنان ايىرادى»، - دەدى باقىتجان ءامىرحانوۆ.