2023 جىلدىڭ باسىنان شەتەلدىكتەردەن جەرگىلىكتى بيۋدجەتكە تۋريستىك جارنا ەسەبىنەن تۇسكەن قاراجات سوماسى 314 ميلليون تەڭگەگە جۋىقتادى.
تۋريستىك جارنا ءتۇسىمى بويىنشا كوش باسىندا الماتى قالاسى، دەپ حابارلايدى Almaty-akshamy.kz. وڭتۇستىك مەگاپوليسكە جالپى سومانىڭ 86%-ى نەمەسە 270،6 ملن تەڭگە تيەسىلى. ەكىنشى ورىندا 37،7 ملن تەڭگەدەن ارتىق تۋريستىك جارنا جيناعان استانا قالاسى.
تۋريستىك جارنا تولەۋ الەمدىك تاجىريبە ەكەنىن ەسكەرسەك، شەتەلدىكتەر ءۇشىن بۇل جاڭالىق ەمەس. تۋريستىك جارنا - حوستەل، جالعا بەرىلەتىن باسپانالاردان بولەك ورنالاسۋ ورىندارىندا بولعان ءاربىر تاۋلىك ءۇشىن تۋريستەردەن الىناتىن تولەم.
تۋريستىك جارنا مولشەرىن جەرگىلىكتى اكىمدىكتەر بەلگىلەيدى. قاراجات تا جەرگىلىكتى اتقارۋشى ورگانداردىڭ بيۋدجەتىنە تۇسەدى.
«تۋريستىك جارنادان تۇسكەن قاراجات تۋريستىك ينفراقۇرىلىمدى دامىتۋعا، اۋماقتاردى اباتتاندىرۋعا، تۋريستىك مۇمكىندىكتەردى ىلگەرىلەتۋ بويىنشا ءىس-شارالاردى ىسكە اسىرۋعا باعىتتالۋى كەرەك. بۇل وڭىرلەرگە كەلەتىن تۋريستەردىڭ سانىن ارتتىرۋعا ىنتالاندىراتىن بولادى»،-دەدى ق ر مسم تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.